A asociación foi creada en outubro de 1983 por un grupo de galegos residentes en Rotterdam. A idea orixinal era a de agrupar nela a tódolos galegos, españois e “simpatizantes” das costumes, cultura e folclore galego. A inauguración oficial tivo lugar o 16 de xuño de 1984.

Os seus primeiros Estatutos, redactados en castelán, datan do 20/12/1983. No artigo nº 2 indica que ten como finalidades:

• Organizar excursións, charlas informativas, coloquios e lecturas.
• Proxectar películas e diapositivas de carácter informativo.
• Promover a formación de grupos teatrais e folclóricos.
• Organizar toda crase de actividades e acontecementos para os seus socios.

Conta cun grupo de danzas, Airiños da Terra, e cun grupo de gaitas, Irmáns Bellón, fundados en 1984. Imparten clases de música e gaita e organizan conferencias e lecturas de temática galega.

O idioma oficial da asociación é o galego “sin perjuicio que toda aquella persona que no hable esta lengua, pueda hacerlo en la suya propia” (art. 3).