Amosando 704 resultados

Descrición arquivística
Fondos do Arquivo da Emigración Galega Subserie
Previsualización da impresión Ver:

3 resultados con obxectos dixitais Mostrar resultados con obxectos dixitais

A Catrapola : Voceiro da Xente Nova do Centro Galego de Bizkaia en Barakaldo

Esta publicación societaria inclúe unha relación de asuntos de interese para a colonia galega residente en Euskadi (convocatorias de premios, concursos, campamentos de verán, voluntariado social, etc.) e a exposición de traballos orientados a ampliar os coñecementos sobre Galicia e a súa historia, que se completan con colaboracións literarias e informacións diversas.

Números conservados en formato papel:

1989: n. 0-1

Centro Gallego de Vizcaya en Baracaldo

A Irmandade : Revista socio cultural de la Hermandad Gallega de Venezuela

Esta publicación societaria foi creada pola Hermandad Gallega de Venezuela como o seu voceiro oficial coa finalidade de «lograr un mayor acercamiento entre los socios, promover y apoyar el acervo cultural gallego, y ofrecer a los lectores una información actualizada, auténtica y veraz». A revista contén unha ampla información arredor da sociedade: relacións institucionais, visitas, infraestructuras, reunións, actividades sociais e culturais realizadas, etc. Combina esta información con artigos histórico-culturais, seccións de ocio e reportaxes especiais de temática diversa.

Números conservados en formato papel:

1993: n. 0-1

Hermandad Gallega de Venezuela

A lareira : voceiro da Casa de Galicia, Asociación Cultural

Esta publicación societaria comeza a editarse en 1985 coma un novo voceiro oficial da entidade editora, para informar aos seus socios das actividades do centro e de diversas cuestións do seu interese.

Números conservados en formato papel:

1985: n. 5
1986: n. 6-7
1987: n. 9-10
1988: n. 12
1989: n. 13
1990: n. 14
1992: n. 15

Casa de Galicia de París

A Nosa Galiza

Esta publicación é continuadora do boletín «Semente». A revista pretende «informar ós socios e a tódala xente encol das actividades e actualidade da Sociedade. O xornal ten que ter traballos e estudios encol da afirmación xeral da lingua galega e dos enxebres valores culturais i einicos da nación galega, eisi como toda cras de artigos encol dos problemas aituás de Galicia».
A maioría dos artigos informan sobre os distintos aspectos da entidade: balances económicos, actividades das xuntas directivas, estatutos, etc., contendo ademais traballos e estudios sobre os valores culturais de Galicia como literatura, contos, poesía, biografías de escritores, notas de libros; e artigos sobre economía, xeografía e emigración galega, etc. Inclúe tamén páxinas dedicadas a temas de contido máis xeral como deportes, informacións xurídicas, etc.

Números conservados en formato papel:

1972: n. 3-4
1973: n. 5
1974: xaneiro/febreiro
2ª época:
1979: marzo, maio/xullo, setembro/novembro

Sociedade "A Nosa Galiza"

A Nosa Terra : periódico galego

Esta publicación política nacionalista, editada pola Irmandade Galega de Bos Aires, retoma o título da publicación do Partido Galeguista, da que é continuadora. O xornal informa dos propósitos dos grupos nacionalistas de Bos Aires e América, describindo as súas actividades. Tamén contén informacións sobre a situación da colectividade e de Galicia, aparecendo comentarios sobre a situación política e social galega.

Formato facsímil:

4 volumes encadernados (340 x 250 mm):

v. 1: 1942-1945: n. 425-443
v. 2: 1946-1948: n. 444-466
v. 3: 1949-1951: n. 467-478
v. 4: 1951-1972: n. 479-518

Fotocopias (tamaño A4):

1944: n. 432-433
1945: n. 442
1946: n. 448-451, 454
1947: n. 458
1948: n. 461, 464, 466
1949: n. 469
1951: n. 479
1953: n. 483
1954: n. 489
1955: n. 494
1961: n. 503
1963: n. 506
1964: n. 507
1968: n. 509
1969: n. 512
1970: n. 513-514

Irmandade galega de Buenos Aires

A nosa voz : voceiro do Centro Galego de Bruselas

Esta publicación societaria pretende dar a coñecer o labor realizado pola institución e achegar á colonia galega residente en Bruxelas a realidade actual de Galicia. Inclúe basicamente información sobre a situación da colectividade e da entidade editora, así como das actividades organizadas pola mesma: balance económico, eventos recreativos, sociais, culturais, etc. Tamén contén artigos referidos á cultura galega en xeral (música, gastronomía, tradicións, política, economía, historia, etc.). Desde 1995 esta publicación aparece integrada na edición de «El Sol de Bélgica». Está escrita en catro linguas: galego, castelán, francés e flamengo.

Números conservados en formato papel:

1986: n. 2
1987: n. 4-7
1988: n. 8-10
1989: n. 11-14
1990: n. 15-17
1991: n. 19-21, 23
1992: n. 24-28
1993: n. 29
1994: n. 31-32
1995: n. 33-34
1999: n. 40
2003: n. 43
2006: n. 46
2007: n. 47
2008: n. 48-49
2009: n. 50
2010: n. 51-52

Centro Gallego de Bruselas

A Palloza : revista cultural galega

Publicación societaria na que aparecen noticias da entidade, artigos de cociña galega e saúdo do presidente.

Números conservados en formato papel:

1999: n. 2
2000: n. 3
2001: n. 4
2003: n. 6
2004: n. 7
2005: n. 8
2006: n. 9
2007: n. 10 (10º aniversario)
2009: n. 12
2010: n. 13

Agrupación Cultural Galega Agarimos

A Terra : Órgano del Centro Gallego

Publicación societaria na que se informa sobre as diversas actividades da entidade, ademais de contar con pequenos artigos sobre Galicia, autores galegos, etc.

Número conservado en formato papel (fotocopias) e dixital:

1920: maio

Centro Gallego de Córdoba

A voz da lareira : voceiro da Casa de Galicia

Esta revista societaria foi publicada coa finalidade de informar sobre temas de interese aos emigrantes galegos residentes en París. Creouse como o voceiro oficial da Casa de Galicia e unha boa parte da publicación está dedicada aos temas referidos a Galicia, á súa cultura, historia, lingua, etc., asumindo un compromiso cultural e político. Tamén analiza a situación da emigración; cómpre resaltar a información específica ofrecida aos traballadores galegos, sobre seguridade social, pensións e xubilacións en España e en Francia. No resto da publicación descríbense as actividades da asociación, incluíndo páxinas de pasatempos e de carácter humorístico.

Números conservados en formato papel:

1984: n. 2-3

Casa de Galicia de París

Abrente

Esta publicación societaria foi creada coa finalidade de informar das actividades da Casa de Galicia de Valladolid (festas, cursos, etc.) e tamén para achegar Galicia e a súa cultura a todos os galegos que viven na cidade vallisoletana, polo que inclúe numerosos artigos sobre diversos aspectos da cultura e da actualidade galega: lingua, literatura, folclore, contos, lendas, poesía, etc. Complétase con saúdos de persoeiros, páxinas de pasatempos, seccións gastronómicas, etc. Os primeiros números están dedicados a Santiago Apóstolo, coincidindo a saída da revista con esas datas de celebración das festas galegas.

Números conservados en formato papel:

1964: xullo
1985: xullo
1986: decembro
1987: decembro
1988: decembro
1989: decembro
1990: decembro
1991: decembro
1993/1994
1994/1995: n. 34
1996: n. 35/36
1997: n. 37
1998: n. 38
1999: n. 39
2000: n. 40
2001: n. 41
2002: n. 42
2003: n. 43
2004: n. 44
2006: n. 46
2008: n. 48
2009: n. 49

Casa de Galicia de Valladolid

Acción Española : Órgano Oficial de los Centros Unión Montañesa y Centro Gallego

Esta revista foi creada e dirixida por Manuel Vidal para «estrechar los lazos con los países hispanos y especialmente la fraternidad hispano-mexicana». Aparecen numerosos artigos sobre o hispanoamericanismo pero tamén textos literarios, noticias e información sobre asociacións españolas creadas en México (especialmente do Centro Gallego de México e da Beneficencia Española), noticias sociais da colectividade española asentada no país azteca e de persoeiros destacados.

Números conservados en formato microfilme:

1924: n. 27-30, 34-35, 37
1925: n. 38, 40-41, 44-45
1926: n. 46, 50
1927: n. 51-55
1928: n. 56-57
1929: [n.s.] n. 4
1932: n. 1-2
1934: n. 1

Centro Gallego de México, A. C.

Acción gallega : Órgano de la Federación de Sociedades Gallegas de Buenos Aires

Este xornal foi editado en Bos Aires desde 1926 e desde 1929 convértese no voceiro oficial da Federación de Sociedades Gallegas de Buenos Aires, tras a súa escisión da Federación de Sociedades Gallegas de la República Argentina.
A maior parte da publicación está dedicada á sección «Notas y Comunicados de las Sociedades» (novas das Sociedades federadas) e á información propia da Federación (comunicados, asembleas, notas do Consejo Federal, etc.), realizando continuas críticas á outra Federación. Aparecen outros artigos abordando a actualidade política española, sendo moitos deles reproducidos doutras publicacións. Tamén inclúe comunicados de organizacións de esquerda e comentarios diversos desde unha perspectiva republicana de esquerdas, moi crítica co goberno español e fortemente antinacionalista.

A publicación «Galicia : Portavoz de la Federación de Sociedades Gallegas» tivo que deixar de editarse baixo a súa denominación habitual por motivos políticos e tomou o nome dun antigo órgano oficial dos anos 20, «Acción Gallega». Aparece só desde o 1 de abril de 1944 ata o 29 de xullo. Continúan coa mesma liña editorial informando sobre a Federación e as sociedades que a integran, sobre temas de Galicia ou da colectividade. Tras este período volve editarse coa cabeceira «Galicia».

Fondos en microfilme:

2ª época (rollo de microfilme con signatura AE/M-1):

1929: n. 37-39
1930: n. 40-59
1931: n. 59, 61-72
1932: n. 73-82
1933: n. 83-94
1934: n. 95-106
1935: n. 107-117
1936: n. 118-158 [i.e. 128]
Os números dos anos 1936-1942 consérvanse no rollo de microfilme con signatura AE/M-7-7

3ª época (rollo de microfilme con signatura AE/M-10.6):

1944: n. 1-18 (tamén dixitalizados)

Federación de sociedades gallegas de la república Argentina

Acción Gallega : Publicación oficial de Casa de Galicia

Publicación societaria que informa das actividades da asociación, das súas seccións e da colectividade emigrada. Presta unha especial atención á difusión da cultura galega, neste sentido destaca a colaboración de importantes personalidades da emigración con numerosos artigos literarios (nas seccións "Nuestro cuento", "Poética"), páxinas ilustradas dedicadas a comarcas e cidades, notas históricas e bibliográficas de Galicia, comentarios da economía sobre a sociedade galega, etc. Dirixida nunha época polo galeguista Rodolfo Prada.

Números dixitalizados:

1920: n. 1-7
1921: n. 8-16
1922: n. 17-26
1923: n. 28-29, 32-33, 35-36, 39
1924: n. 42-44, 46-51
1925: n. 52-55, 57-58

Asociación Casa de Galicia de Buenos Aires

Adiala : Voceiro do Centro Gallego de Mallorca

Esta revista responde ao esquema de publicación societaria e inclúe principalmente información sobre a entidade editora e as súas actividades (movemento de socios, elección de comisións directivas, memorias anuais, festas, etc.), acompañada de artigos de contido diverso sobre Galicia: turismo, economía e empresa, cultura popular, emigración, novas de actualidade, etc. Complétase con seccións gastronómicas, páxinas de humor, poesía, contos, refráns, notas divulgativas, etc.

Números conservados en formato papel:

1989: n. 0-2
1990: n. 3-4
1992: n. 12
1993: n. 15, 17-18
1994: n. 19-20, 22
1995: n. 23-26
1996: n. 27-30
1997: n. 31-32, 34
1998: n. 35-38
1999: n. 39-42
2000: n. 43-45
2001: n. 47-50
2002: n. 51-53
2003: n. 55-56, 58
2004: n. 59-62
2005: n. 64-66
2006: n. 67/68
2009: n. 79/80

Centro Gallego de Mallorca Playa de Palma

Adiante : Orgao das Mocedades galeguistas

Esta publicación de carácter político foi editada para informar das actividades societarias (asembleas, edicións de libros, etc.) e da situación da colectividade en xeral. Realiza unha defensa de Galicia, desde postulados nacionalistas e republicanos, criticando a súa situación política e económica nas seccións «Da Galiza asoballada» e «O Fungueiro» (notas críticas da actualidade galega e da colectividade).

Números orixinais:

1954: n. 1-3
1955: n. 4

Número fotocopiado:

1956: n. 5

Irmandade galega de Buenos Aires

AEGAMA : La Revista de AEGAMA

Esta publicación está editada coa finalidade de «ser la portavoz de las inquietudes profesionales y empresariales de nuestros asociados y, al propio tiempo, aspira a canalizar hacia ellos toda la información necesaria para abordar la cada vez más compleja problemática de la empresa (...) recoger el noticiario de nuestras actividades y el desarrollo de la vida interna de nuestra Asociación». Contén información económica e aborda temas de carácter fiscal, laboral, mercantil, cursos, seminarios, exposicións, acordos, servizos, etc.

Números conservados en formato papel:

2003/2004: n. 2
2004: n. 3
2005: n. 4
2008/2009: n. 10
2009: n. 11

Asociación de Empresarios Gallegos en Madrid AEGAMA

AEGAMA, Asociación de Empresarios Gallegos en Madrid : Boletín Informativo

Esta publicación está editada coa finalidade de «ser la portavoz de las inquietudes profesionales y empresariales de nuestros asociados y, al propio tiempo, aspira a canalizar hacia ellos toda la información necesaria para abordar la cada vez más compleja problemática de la empresa (...) recoger el noticiario de nuestras actividades y el desarrollo de la vida interna de nuestra Asociación». Contén información económica e aborda temas de carácter fiscal, laboral, mercantil, cursos, seminarios, exposicións, acordos, servizos, etc.

Números conservados en formato papel:

1994: n. 1-5
2002?: n. especial

Asociación de Empresarios Gallegos en Madrid AEGAMA

Agarimo

Esta revista foi editada por un grupo de simpatizantes da sociedade Hogar Gallego para Ancianos co fin de apoiar e divulgar o seu labor asistencial en pro da colectividade galega da terceira idade. A maior parte dos artigos son colaboracións, principalmente literarias, con referencias a personalidades galegas ou ao papel dos galegos en América. Neste número que conservamos aparece o relatorio presentado no I Congreso da Emigración Galega sobre a ancianidade e unha ampla información sobre a entidade.

Número fotocopiado:

1957: n. 1

Hogar gallego para ancianos

Resultados 1 a 20 de 704