A Secretaria, Gladys Raguet Orquín, e o Presidente, José Luis Sangiao Otero, da Unión de Asociaciones Gallegas de la República Argentina envían unha carta en febreiro de 2007 ao Presidente do Consello da Cultura Galega, Alfonso Zulueta, facéndolle chegar un exemplar do anuario Irmáns de 2006.

O Secretario, Horacio Pegito Lobato, e o Presidente, Marcial Sánchez González, da Unión de Asociaciones Gallegas de la República Argentina envían unha carta en decembro de 1998 ao Conselleiro da Cultura Galega, na que informan da nova constitución da xunta directiva e achegan un exemplar do boletín número 7 Irmáns adicado a Xosé Neira Vilas.

Eduardo García Chorén, do Subcomité de Cultura e Prensa, e José Martínez-Romero, Presidente, da Unión de Asociaciones Gallegas de la República Argentina envían unha carta o 19 de novembro de 1996 ao Consello da Cultura Galega, facéndolle chegar un exemplar do boletín Irmáns.

Este fondo consta da seguinte documentación conservada en formato papel:

• Correspondencia dos anos 1996, 1998 e 2007
• Boletín "Irmáns" dos anos 1996, 1998, 2000, 2002 e 2006