Amosando 327 resultados

Descrición arquivística
América Subserie
Previsualización da impresión Ver:

3 resultados con obxectos dixitais Mostrar resultados con obxectos dixitais

Terra : Boletín de Cultura Galega : Idearium da I.N.G. ná América do Sul

Esta publicación de carácter nacionalista foi editada pola Irmandade Nazonalista Galega, na que colaboran importantes personalidades galeguistas como Ramiro Isla Couto (director), Eduardo Blanco Amor (redactor xefe), Miguel Revestido, Xavier Insua, Arturo Carril, Vicente Risco, Castelao, etc. Contén artigos sobre a cultura e a historia de Galicia, colaboracións literarias de autores galegos e portugueses («Os nosos poetas», «Letras irmáns»), e información sobre as actividades realizadas dentro da colectividade («Da causa» e «De Nós»).

Número conservado en formato papel (fotocopias):

  • 1923: n. 5, outubro

Irmandade nazonalista galega de Bos Aires

El Agrario: Órgano oficial del Centro Protección Agrícola del Distrito de Salceda

Este periódico agrario xurdiu en Bos Aires no ano 1917 como resposta ao peche do xornal agrarista e anticaciquil «El Despertar», editado en Salceda de Caselas baixo a dirección de Joaquín Fernández Sestelo. Nun primeiro momento denomínase «La Voz del Centro», pasando a chamarse «El Agrario» posteriormente, máis acorde coa súa finalidade, pois pese a ser o órgano oficial da entidade e ofrecer ampla información sobre a mesma (actividades, noticias sociais, asembleas, etc.), a maior parte da publicación reflicte a súa preocupación pola actualidade española e da comarca desde postulados agraristas.

O AEG conserva o número extraordinario 85 editado en Bos Aires con motivo da celebración do 5º aniversario da saída do xornal, en formato papel e dixital.

Centro Protección Agrícola del Distrito de Salceda

El Orensano : Periódico galego

Este xornal foi editado polo Centro Orensano para informar do labor societario da entidade e da situación da colectividade, caracterizándose polo seu enfrontamento coa Federación de Sociedades Gallegas e o proxecto de impulsar a unión das pequenas sociedades parroquiais e comarcais en centros provinciais. Presta tamén unha especial atención ás novas de actualidade política, adoptando unha clara orientación galeguista e republicana, destacando a sección «Panorama» na que se analiza a política internacional no contexto do final da Guerra Mundial e as posibilidades da caída do rexime franquista. Complétase con artigos sobre a provincia de Ourense, Galicia e a súa cultura, e diversas colaboracións literarias. Estivo dirixido por Rodolfo Prada, destacado galeguista.

Número conservado en formato microfilme:

1944: n. 1-4
1945: n. 5-28

Centro Orensano de Buenos Aires

Memoria polo 25º aniversario

Memoria elaborada pola sociedade "Unión del partido de Lalín en Buenos Aires" ao cumplirse o 25º aniversario da súa creación.

Unión del partido de Lalín en Buenos Aires

Lalín : Revista del Centro Lalín en Buenos Aires

Esta revista societaria foi editada polo Centro Lalín para informar sobre as diferentes actividades da entidade tras a fusión das diversas sociedades de emigrantes naturais da comarca do Deza e residentes en Bos Aires. O primeiro número está centrado na visita dos alcaldes dezanos a Arxentina e os diversos encontros coa colectividade emigrada, e con políticos arxentinos como o presidente Raúl Alfonsín, de raíces galegas e lalinenses. Contén noticias sobre os concellos de Lalín, Silleda e A Golada, ademais da realidade social, cultural e política galega. Esta publicación vai continúar editándose baixo outra denominación.

Números conservados en papel:

  • 1984: [n. 1]

Centro Lalín de Buenos Aires

As 4 Aldeas : Revista oficial de la sociedad Hijos de Ois de ayuda mutua

Publicación societaria na que se informa sobre as diversas actividades da entidade, ademais de contar con pequenos artigos sobre Galicia, autores galegos etc.

Números conservados en formato papel:

  • 1923: n. 1 (fotocopia)
  • 2002: n. 21
  • 2004: n. 29
  • 2006: n. 38
  • 2014: n. 62

Números conservados en formato dixital:

1999-2007: n. 1-40

Hijos de Ois de ayuda mutua

Revista de la Sociedad Hijos de Ois

Revista societaria editada pola entidade parroquial do seu nome. Conta con información para os socios tanto da marcha da sociedade como do seu interese; ademáis ten artigos sobre Arxentina e Galicia, temas culturais, textos literarios e poemas reproducidos de autores recoñecidos. Comezou chamándose "As 4 aldeas" (vid. ficha)

Números conservados en papel (fotocopias):

1925: n. 3

Hijos de Ois de ayuda mutua

Loita : Movimento Galego de Liberdade Nacional

Esta publicación de carácter político, xa desde o seu primeiro número, amosa o seu ideario, cun manifesto ao pobo no que se reclama o recoñecemento de Galicia como nación, defendendo o labor político nacionalista, sobre todo o realizado alén mar, describindo as actividades realizadas en Bos Aires en pro destas ideas. Igualmente aparecen artigos sobre Galicia, criticando a súa situación política e económica.

Números conservados en papel:

Fotocopia:

1959: n. 1

Orixinal:

1959: n. 2

Hijos de Ois de ayuda mutua

Revista mensual de la Asociación de Socorros Mutuos de Buenos Aires

Esta revista societaria foi creada para informar da vida da colectividade española na capital arxentina (páxina social: matrimonios, nacementos, defuncións, festas, etc.) e da vida societaria da entidade (actividades realizadas, movemento de socios, autoridades sociais, servizos médicos que ofrecen, balances económicos, etc.). Contan tamén con información sobre a política e lexislación migratoria española e arxentina, noticias culturais, textos literarios, biografías de persoeiros, etc.

Números conservados en microfilme e dixital:

  • 1926: n. 169, 171, 175-176
  • 1928: n. 191

Asociación española de socorros mutuos de Buenos Aires

Compostela : Órgano oficial del Centro Santiago de Compostela, mutual y cultural

Esta revista societaria foi creada para informar aos socios sobre a vida interna da institución (nas seccións «Sociales» e «Nuestras fiestas»). Tamén inclúe artigos de carácter cultural, destacando os referidos a Santiago de Compostela e a Galicia, así como referencias ao labor dos galegos na emigración («los gallegos en la vida argentina»).

Número conservado en microfilme:

  • 1953: n. 1 (xullo)

Centro Santiago de Compostela, mutual y cultural

Rianxo : Revista editada por la sociedad Parroquias Unidas del Ayuntamiento de Rianjo

Esta revista societaria foi editada para informar sobre as actividades sociais e culturais desenvolvidas pola entidade editora, sobre a súa organización (directiva, comisións e membros que as integran) e outros aspectos arredor da mesma. Complétase con artigos histórico-culturais e algunha composición poética.

Números conservados en formato papel (fotocopia):

1943: n. 1

Parroquias unidas del ayuntamiento de Rianjo

Rianxo : Revista social

Esta revista societaria foi editada para informar sobre as actividades sociais e culturais desenvolvidas pola entidade editora, sobre a súa organización (directiva, comisións e membros que as integran) e outros aspectos arredor da mesma. Complétase con artigos histórico-culturais e algunha composición poética.

Números conservados en formato papel (fotocopia):

1948: [s.n.]
1951: [s.n.]; n. 4

Sociedad ayuntamiento de Rianjo y Taragoña (unificadas)

Irmáns : Boletín de la Unión de Asociaciones Gallegas de la República Argentina

Este boletín societario foi creado no ano 1990 para difundir os propósitos da sociedade editora, a súa declaración de principios, actividades, etc. Tamén inclúe algún breve artigo sobre o Día das Letras Galegas, a cultura galega e personalidades galegas.

Números conservados en papel:

1990: n. 0 (8 páxinas)
1996: n. 6 (15 páxinas)
1998: n. 7 (7 páxinas)
2000: n. 8 (14 páxinas)
2002: xuño (34 páxinas)
2006 (38 páxinas)

Revista Xuve-Breogán

Publicación editada polo grupo xuvenil da Agrupación Breogán do Centro Gallego, que pretende achegar a cultura galega á segunda xeración de emigrantes. A súa temática é moi variada, pero todos os artigos teñen como eixe común a Galicia, abordando aspectos como a lingua, a heráldica, rutas turísticas, etc. Nun segundo lugar aparecen informacións relacionadas coa Agrupación Breogán e o Centro Gallego. Complétase a publicación con páxinas de pasatempos, críticas cinematográficas e colaboracións literarias.

Números conservados en papel:

1991: n. 1, 3
1992: n. 4

Agrupación argentino-gallega pro-Centro Gallego, grupo juvenil

Resultados 1 a 20 de 327