Área de identidade
Tipo de entidade
Entidade colectiva
Forma(s) autorizada(s) do nome
Sociedad Progreso de Coles
Forma(s) paralea(s) do nome
Forma(s) normalizada do nome, dacordo a outras regras
Outra(s) forma(s) de nome
- Sociedad de Instrucción Progreso de Coles
- Sociedad Progreso e Instrucción de Coles
- Progreso de Coles, Sociedad de Instrucción
Identificadores para institucións
Área de descrición
Datas de existencia
1910-11-22 ata a actualidade
Historia
Esta sociedade de instrución e socorros mutuos foi creada na cidade da Habana por iniciativa dun grupo de emigrantes naturais do concello ourensán de Coles residentes en Cuba.
Destacan entre os seus fundadores, nomeados anos despois presidentes de honra da entidade, Preciosa Vázquez, Ramón González, Ramón Varela Novoa, José Rivero, Antonio Fernández e Constantino Añel.
A súa primeira directiva estivo formada por Manuel García Vázquez, como presidente; vicepresidente, José Otero; tesoureiro, José Rivero; vicetesoureiro, Antonio Cintas; secretario, Gerardo González; e vicesecretario, Aquilino Requejo.
Dende a súa creación, as súas actividades estaban centradas en ofrecer servizos mutualistas aos socios e conseguir cartos para poder financiar a construción dunha escola laica no seu concello natal. No Regulamento de 1912 aparece como fin principal o de favorecer ao obreiro ourensán procurándolle medios e facilidades para a súa mellora.
En Galicia, no ano 1911, a Sociedad Agraria de Coles, falta de recursos económicos para rematar o edificio que estaba facendo na súa localidade, ponse en contacto coa entidade habaneira, á que ofrece os terreos e parte do edificio xa construído, para continuar coas obras e así establecer nun breve prazo a escola. Desde Cuba aceptan o ofrecemento e aproban o presuposto para o remate do edificio, que funcionará como escola mixta.
Houbo moitas disensións entre ambas as entidades, pois a sociedade de agricultores pretendía que unha parte do edificio se convertese no seu local social, mentres os emigrados de Cuba querían, que fose unicamente escola para os nenos/as da parroquia. Finalmente, foi inaugurado como centro educativo o 26 de novembro de 1913, baixo o nome de Colexio «La Luz». Desde esa data a sociedade cubana ocupouse de enviar regularmente cartos para o seu mantemento.
En 1917, na memoria anual da entidade aparece reflectido este labor e destácase que o colexio conta con 105 alumnos/as. En 1920 dótano dunha nova aula onde se impartían clases de corte e confección para as nenas.
Esta sociedade mantivo unha ampla actividade a prol da instrución en Galicia; pertenceu dende 1912 ao Comité Representativo de las Sociedades Gallegas de Instrucción de Cuba.
Na actualidade segue existindo con finalidade recreativa e mutualista.
Lugares
América
Cuba
A Habana
Coles
Provincia de Ourense
Estatuto xurídico
Asociación civil de emigrantes galegos
Funcións, ocupacións e actividades
Instrutivas, mutualistas, recreativas, culturais
Mandatos/fontes de autoridade
Estructura/xenealoxía interna
Contexto xeral
Área de relacións
Access points area
Materias
Lugares
Occupations
Área de control
Identificador do rexistro de autoridade
Identificador da institución
ES GA 15078 ACCG
Regras e/ou convencións usadas
NOGADA
Estado de elaboración
Borrador
Nivel de detalle
Parcial
Datas de creación, revisión ou eliminación
Idioma(s)
- galego
Escritura(s)
- latino
Fontes
Bases de datos do AEG, Web As Escolas da Emigración