Unidade documental simple 01 - Folleto "Ofrendas ao Apóstolo Santiago"

Esta asociación cultural foi creada no ano 1983 por un grupo de galegos residentes na cidade condal, liderados por Yolanda Díaz Gallego, a súa primeira presidenta e membro da directiva dende entón; destaca tamén outro dos seus directivos Antón Gómez Reino no seu gran labor en pro da asociación.
Nos seus primeiros estatutos aparecen os obxectivos prioritarios: Promover e difundir todos os valores de Galicia, da súa arte, da súa lingua e da súa cultura, así como as súas tradicións e costumes populares; realizar actos de axuda ou beneficencia a persoas que poidan necesitalo xustificadamente; servir de encontro aos seus socios, establecendo e fomentando entre eles relacións de amizade e cordialidade.
Organizan conferencias, concursos literarios, ceas-festa, bailes infantís, exposicións de pintura, etc.
Teñen un grupo folk de música celta "Mesuñanza", formado por 6 membros, editan unha "Carta-boletín", que sae o primerio venres de cada mes, co gallo da cea-xuntanza de todos os socios, e o boletín anual "O Mencer".