Regulamento da sociedade "El Valle de Oro":

Conservado en formato dixital e impreso:

• Copia mecanografada do Regulamento social presentada ante o goberno provincial de A Habana (ratificada co seu selo e a sinatura do presidente e secretario da asociación) o 29 de decembro de 1916 (6 páxinas)

Listaxe de socios da sociedade "El Valle de Oro", conservada en formato dixital:

• Listaxe sen data. Aparecen o nome dos socios e o seu enderezo, ademais da forma de pago das cotas sociais. A partir da páxina numerada como 10, aparece a data de 1932 co nome dos socios e socias e a súa idade (9 páxinas dixitalizadas). Dixitalizado parcialmente, algunhas das páxinas están en mal estado de conservación.

Libro de Rexistro de socios da sociedade "El Valle de Oro", conservado en formato dixital (dixitalizado parcialmemente):

• Libro no que se rexistran os socios da entidade, co seu nome e apelidos, data de entrada como asociados, enderezo e data de baixa da entidade. Abarca os anos 1907 ata 1950 (32 páxinas)

Libro de Rexistro de socios da sociedade "El Valle de Oro", conservado en formato dixital:

• Libro no que se rexistran os socios da entidade, co seu nome e apelidos, número de asociado, e enderezo. Feito polo secretario contador o 1 de xullo de 1949 a partir do Libro de Rexistro de socios da Secretaría da entidade (17 páxinas)

Libro de Rexistro de socias da sociedade "El Valle de Oro", conservado en formato dixital (libro reutilizado):

• Libro no que se rexistran as socias da entidade, co seu nome e apelidos, data de entrada como asociadas con plenos dereitos, lugar de nacemento, idade e enderezo. Abarca os anos 1932 ata 1952 (3 páxinas)

Libro de Actas das reunións do Comité «Pro Iglesia de Ferreira» da sociedade "El Valle de Oro", conservado en formato dixital e impreso:

• Libro creado para recoller as actas das reunións deste Comité. Consta da acta da reunión previa á constitución do Comité, a acta de creación do Comité e un listado cos doantes e as súas achegas para enviar a O Valadouro co fin de rematar a igrexa da parroquia de Ferreira. Comeza na reunión do 19 de decembro de 1920 e remata o 25 de decembro dese mesmo ano (7 páxinas)

Libro de Actas das reunións das Xuntas Directivas da sociedade "El Valle de Oro", conservado en formato dixital e impreso:

• Libro que recolle as actas n.º 299 ata a n.º 343 das reunións celebradas dende o 26 de abril de 1972 ata o 28 de xaneiro de 1976 (50 páxinas) (libro incompleto)

Libro de Actas das reunións das Xuntas Xerais de Socios da sociedade "El Valle de Oro", conservado en formato dixital e impreso:

• Libro con 52 actas, que contén as reunións celebradas en asemblea xeral de socios dende o 21 de xaneiro de 1923 ata o 26 de marzo de 1930 (149 páxinas)

Libro de Actas das reunións das Xuntas Xerais de Socios da sociedade "El Valle de Oro", conservado en formato dixital e impreso:

• Libro con 61 actas, que recollen as reunións celebradas en asemblea xeral de socios dende o 11 de febreiro de 1947 ata o 30 de xaneiro de 1963 (86 páxinas) (libro dixitalizado parcialmente)

Expediente do Panteón da sociedade "El Valle de Oro" situado no Cemiterio de Cristóbal Colón de A Habana, conservado en formato dixital:

• Título de propiedade da parcela onde se vai construír o panteón emitido polo Arcebispado da Habana (10 de decembro de 1929)
• Título da renovación do título de propiedade do Panteón emitido polo Arcebispado da Habana (27 de xaneiro de 1955)
• Fotografía do panteón

Expediente de doazón dos edificios escolares construídos por "El Valle de Oro" no concello de Alfoz para darlle outros usos de ben comunitario en formato dixital:

• Carta do Alcalde de Alfoz solicitando a doazón dos edificios á sociedade habaneira para que poidan ser usados con outros "fines de interés social" (4 de novembro de 1991)
• Carta da presidenta da sociedade "El Valle de Oro" informando da aprobación da asemblea xeral de socios da doazón das escolas de Adelán e Bacoi para outros fins (14 de febreiro de 1993)
• Certificado da sociedade "El Valle de Oro" de doazón dos edificios das antigas escolas (25 de febreiro de 1993)
• Certificado do concello de Alfoz aceptando a doazón dos edificios (30 de decembro de 1993)
• Certificado no que se acredita que D.ª Herminia M.ª Fernández Usía é presidenta da entidade dende o 23 de febreiro de 1993 (data da doazón) ata o 31 de decembro de 1995 (30 de abril de 1994)