A "Hermandad Gallega de Venezuela" creouse o 12 de outubro de 1960 tras a fusión das tres entidades galegas existentes en Caracas naquel momento, o "Centro Gallego" (1948), o "Lar Gallego" (1946) e a "Casa de Galicia" (1956), cun total de 800 socios fundacionais. A partir de 1962 esta sociedade experimentou un gran crecemento económico e social, coa compra do Banco Unión" e do antigo "Club Casablanca" en Maripérez donde queda instalada a súa sede.
Nos seus Estatutos recollen os obxectivos sociais:
a) Fins Culturais: fomentar, divulgar e defender o idioma e a cultura galegas, e os valores autóctonos de Galicia; promocionar a nosa cultura dentro de Venezuela e realizar intercambios culturais cos demais pobos iberoamericanos; crear centros de cultura, con especial dedicación a Galicia e Venezuela.
b) Fins Asistenciais: promover a creación de servicios médico-asistenciais, de previsión e axuda aos asociados galegos.
c) Fines Deportivo-recreativos: fomentar e desenvolver actividades deportivase e recreativas de carácter aficionado entre os asociados, promocionando a creación de agrupacións artísticas.
Na súa sede principal teñen instalados os servicios sociais e desenvolven a maior parte das súas actividades recreativas; no ano 1985 constrúen un novo edificio donde está instalada a biblioteca "Curros Enríquez" que conta cun fondo bibliográfico de 20.000 volumes.
Entre as moitas actividades de carácter cultural emiten un programa de radio dominical "Sempre en Galiza" de gran difusión en Venezuela e manteñen económicamente o Colexio "Castelao", fundado o 28 de xaneiro de 1965. Editan o boletín informativo "Irmandade" e, dende 1971 a 1976 publicaron a "Revista da Hermandad Gallega de Venezuela", con noticias sobre as actividades societarias, e dende novembro de 1987 editan a revista informativa "Punto de Unión".
Teñen tamén un hospital donde prestan servicios sanitarios asistenciais aos seus socios.
No ano 1992, ante a crise económica e para facer fronte ás débedas convirten a institución nunha "sociedad por accións".

No ano 1979 un grupo de xogadores do equipo de fútbol Ourense reúnense en casa do señor M. Reinoso para conversar sobre a posibilidade de crear un lugar como "segunda casa" e que agrupara exclusivamente a galegos residentes en Venezuela.

As primeiras eleccións da "Hermandad Gallega de Valencia" celebráronse na súa segunda reunión e, como resultado, foi elixido Manuel Vázquez como Presidente e conformada a primeira Xunta Directiva. A partir de ahí adecuáronse un restaurante, unha sala de xogos de mesa, a oficina de pago e unha sala para reunións da Xunta Directiva, entón xa presidida por Francisco Rey.

Anos máis tarde decídese invertir nun novo terreo para así poder acoller a un maior número de socios. Dende entón a súa sede está ubicada ó final da Avenida Galicia.

O obxecto da asociación consta nos seus Estatutos: "Agrupar a Gallegos y simpatizantes de la cultura, costumbres y espíritu de Galicia, a los fines de fomentar entre sus miembros actividades culturales, artísticas, benéficas, recreativas, deportivas y sociales, así como el proporcionarles la oportunidad permanente de esparcimiento lícito que les facilite entre ellos nexos de unión, fraternidad y amistad".

Máis que unha sociedade propiamente dita é un partido ou facción existente dentro do Centro Gallego da Habana, cun ideario que poderiamos cualificar de esquerdas; o outro sector sería "Afirmación y Defensa", de dereitas e que gobernou durante moitos anos o Centro.
A "Hermandad Gallega" foi creada en 1939 por un grupo de socios do Centro Gallego disconformes do labor realizado polos seus dirixentes. A finais de 1939 comezan a editar o xornal "Loita", como voceiro das esquerdas representadas por este partido e no que publican as súas ideas para gobernar o Centro e toda a problemática existentes neses anos dende o seu punto de vista.

• Ámbito de actuación: Universidade de Santiago de Compostela
• No ano 1983 créanse os primeiros grupos na Facultade de Psicoloxía e pronto se sumaron os de Medicina e Bioloxía. No ano 1984 súmanse os grupos das Facultades de Filoloxía, Dereito, Económicas e Historia. En 1990 diminúe considerablemente o número de militantes polo que tomaron a decisión de formar un único grupo para toda a Universidade.
• Obxectivos:
• Dar resposta ás actitudes e expresións sexistas, androcéntricas e patriarcais reproducidas por parte do profesorado e do alumnado
• Difusión do pensamento feminista e as súas alternativas
• Revisar os contidos académicos desde olladas feministas
• Difusión e información sobre sexualidade, anticoncepción e saúde física e mental
• Organización de debates, charlas, xornadas, recitais, mitins, exposicións, ciclos de cine, mesas redondas, manifestacións, concentracións, cursos de autodefensa, festas

MILITANTES:
A militancia se compón de alumnas independentes doutras organizacións e tamén de militantes nos Comités Abertos de Facultade

• No curso 1997-1998 non teñen actividade. A retoman no curso seguinte e cesan definitivamente en 2002

ÁMBITO XEOGRÁFICO: Galego
ENDEREZO POSTAL: A partir de 1989, establecen como sede habitual de reunións o local de alumnado da Facultade de Xeografía e Historia. Con anterioridade non contaban con local estable.

ENTIDADES COLABORADORAS:

Universidade de Santiago de Compostela
Concello de Santiago de Compostela
Centro de Recursos para Estudantes Man Común
Centro Xove de Anticoncepción e Sexualidade
Concello de Santiago de Compostela
Xunta de Galicia
Ministerio de Asuntos Sociais

VÍNCULOS CON OUTRAS ORGANIZACIÓNS

Asociación Galega da Muller
Colectivo de Mulleres Ensinantes do Rosa ao Violeta
Comités Abertos de Facultade
Colectivo antimilitarista Rompamfilas
Asemblea de Mozas de Galiza Nova
Colectivo de Estudantes Antimilitaristas
Estudantes Solidarios
MURGA

Integrada en:
Coordinadora Feminista Galega
Coordinadora de Organizacións Feministas do Estado Español

Esta sociedade cultural e cun marcado carácter galeguista, foi fundada por destacados membros da colectividade galega asentada en Bos Aires como Manuel Puente, presidente fundacional, Valentín Fernández, Perfecto López, Valeriano Saco, Alfonso Fernández Prol, Daniel Calzado, José S. Rodríguez, Antonio Alvarez, José Reboreda, Santos Blanco, Antonio Baltar, Benito Cupeiro, Emilio Pita, Rodolfo Prada, Luis Guede, José Iglesias, Daniel Nogueira, Moisés Da Presa, Manuel Martínez Lamela, Eduardo Sánchez Millares, Jesús Varela Sánchez e Segundo Pampillón.
Os principios que deron orixe á súa fundación foron a defensa do acervo histórico, lingüístico, patriótico, social e autonómico de Galicia na Arxentina. Declaran que a única ideoloxía concreta é a prosperidade e benestar de Galicia e dos seus fillos.
Os postulados que proclaman en 1981 (ratificados en 1992) son: "1. defensa da lingua galega coa opción do bilingüismo en castelán; 2. propiciar o coñecemento profundo da realidade autonómica e colaborar na solución de todo o referente á súa problemática social, económica, política e cultural; 3. acción coordinada para influir nos órganos de poder de cara a promover solucións permanentes e de fondo no problema migratorio; 4. contribuir a espertar unha conciencia viva da ciudadanía galega e dun espírito activo, crítico e de participación de todos os estamentos da estructura política, socioeconómica e cultural do país; 5. apoiar ós que en Galicia, coa súa acción, cumpran con estes principios".
En 1996 comeza a editar o xornal "Correo de Galicia. Del "Grupo Nós" de Buenos Aires", voceiro da colectividade e desta entidade.