Correspondencia recibida pola "Sociedad Parroquias Unidas de Cotovad en Buenos Aires" conservada en formato microfilme e dixital.

Correspondencia recibida polo "Círculo Villagarcía de Arosa", conservada en formato microfilme, dos anos:

-1936-1937
-1940-1941

A correspondencia recibida dos anos 1935-1937 consérvase tamén en formato dixital.

Carta enviada polo Secretario do "Centro Orensano de Montevideo", Jesús Vázquez Martínez, a Manuel Suárez Suárez para facerlles chegar as seguintes enquisas con información societaria:

• "As Sociedades Galegas no Mundo"
• Censo Cultural, "Medios de Comunicación"
• Censo Cultural, "Entidades"

Enquisa "As sociedades galegas no Mundo" enviada polo "Centro de estudios galegos no Ceará" ao Arquivo da Emigración Galega o día 07/10/1998, conservado en formato papel (fotocopias).

Carta enviada polo Presidente da asociación, Santiago Coelho Rodríguez Campo, para facer chegar a súa tarxeta e o proxecto cultural deseñado para o período 2008-2009. O AEG conserva o proxecto cultural en papel e CD.

Carta enviada pola Xunta Directiva do "Centro Espanhol e Repatriaçâo de Santos" ao Presidente do Consello da Cultura Galega, Ramón Villares, en xuño de 2008, coa relación de membros da xunta para o período 2008-2010, conservada en formato papel.

Tarxeta postal enviada pola "Asociación Española de Socorros Mutuos" en decembro do ano 2004, asinada polo Secretario, Enrique San Andrea, e polo Presidente, Luis A. Avellanal.

O Presidente do "Hogar español de Montevideo", José Luis Peña Fernández, envía ao Presidente do Consello da Cultura Galega, Ramón Villares Paz, un convite e o programa de actos con motivo da celebración dunha romería anual en celebración do 45º aniversario social e da adhesión ao 9º "Congreso de la Emigración Gallega", a celebrarse o día 06/12/2009.

Correspondencia recibida pola sociedade "Unión Quiroguesa y sus distritos" durante os anos 1934, 1936-1939, 1941-1944, 1944-1945 e 1948-1956

Carta de Luciano Folgar, maestro, a Jesús Blanco, Presidente, do 17/04/1926, acusando recibo da súa previa do día 23 de marzo e dun libro de Eduardo Ortega y Gasset. Opina sobre a publicación "Verdad y Justicia" e informa sobre a marcha das escolas e máis concretamente da de Gresande.

Correspondencia enviada por Carlos Velo Cobelas, Presidente do "Padroado de Cultura Galega de México" e Delegado do "Consello de Galiza" en México, a diversos cargos do "Consello de Galiza" en Bos Aires:

• Alberto Vilanova, Concelleiro do "Consello de Galiza" (31/07/1964), (06/08/1964) e (08/08/1964)
• Lois Fuentes, Secretario de Goberno e Coordinación (13/11/1964)
• Antón Alonso Ríos, Secretario Xeral (14/10/1968)

Carta enviada polo Presidente da sociedade "Centro Gallego y Saviñao", José Picallo Durán, á Directora do Arquivo da Emigración Galega, María Xosé Rodríguez Galdo, o día 28/04/1997 en contestación á súa solicitude de información, indicando as celebracións nas que participa anualmente. Adxuntos á carta remitiron a seguinte documentación:

• Escudo
• Fotocopia de Estatutos
• Memoria do último exercicio
• Comisión Directiva
• Reseña histórica
• Documentación sobre a súa fusión coa "Asociación Saviñao y sus contornos"
• Recreo Social
• Documentación sobre a súa participación en concursos da Xunta de Galicia
• Material informativo sobre actividades
• 2 números da revista "Galicia en Rosario"

Libro copiador da correspondencia da "Sociedad Finisterre en América" dos anos 1928-1929, conservado en formato microfilme.

Correspondencia enviada pola sociedade "Unión Villalbesa" nos anos 1941-1948 e 1948-1952, conservada en formato microfilme e dixital.

Circular enviada pola sociedade "Hijos del Distrito de Sarria, Sociedad de Beneficencia y Protección Mutua" aos seus socios coas actividades anuais da sociedade (2003), conservada en formato papel (fotocopias).

Correspondencia entre o Delegado da sociedade "Círculo Habanero de La Devesa" en Tampa e a Secretaría da sociedade na Habana, conservada en formato dixital e impreso:

• Carta enviada desde Tampa por Justo López a José A. Acevedo (29/02/1912)
• Carta enviada desde Tampa por Justo López a José A. Acevedo (08/03/1912)
• Carta enviada desde Tampa por Justo López a José A. Acevedo e Isidro Martínez (14/04/1912)
• Carta enviada desde A Habana para o Delegado da sociedade en Tampa (29/01/1928)

Correspondencia da sociedade conservada en formato dixital e impreso:

• Libro de rexistro da correspondencia mantida pola sociedade "Progreso de Coles", na súa meirande parte coa sociedade "Agricultores de Coles", dende o 14/11/1910 ata o 14/10/1917 (84 páxinas): dixitalizado incompleto
• Convite á reunión do "Centro Gallego de La Habana" do 17/08/1942
• Convite á reunión da "Sociedad de Instrucción Progreso de Coles" do 04/09/1942

Correspondencia recibida pola sociedade "Hijos del Partido de Lalín", conservada en formato dixital:

• Carta enviada pola Sociedade "Curros Enríquez del Partido de Celanova" para ofrecer un salón para actividades (19/01/1955)
• Carta enviada polo "Comité de Ayuda al Patronato Rosalía de Castro" sobre unha aportación económica (29/09/1955)
• Carta enviada por CIFESA sobre a presentación do film "Viento del Norte" (15/11/1955)
• Carta enviada polo Banco Gelats sobre a "Homenaje de los Españoles y sus Hijos a la República de Cuba" (20/01/1956)
• Carta enviada pola sociedade "Hijos del Ayuntamiento de Golada" coa invitación a celebrar o seu aniversario (09/1972)
• Carta enviada pola sociedade "Hijos del Ayuntamiento de Capela" coa invitación para celebrar o seu 51º aniversario (31/07/1979)

Correspondencia mantida entre o Presidente da sociedade "Hijos del Ayuntamiento de Golada", César Carrera Gallego, e o emigrado en Miami Antonio García Prado, conservada en formato dixital e impreso:

• Carta enviada polo Presidente acerca da sociedade de Monterroso (26/02/1969)
• Carta recibida polo Presidente acerca da vida cubana en Miami (31/10/1969)
• Carta enviada polo Presidente con información sobre as actividades das sociedades de A Golada e Monterroso (09/02/1970)
• Carta enviada polo Presidente cun informe de actividades da sociedade (11/02/1971)

Correspondencia recibida pola sociedade "Agrupación artística gallega", conservada en formato dixital:

• Carta enviada por José Fernández Prieto, do Café "El Central", o 27/06/1927 para solicitar un exemplar do Regulamento da sociedade