Revista societaria que, como din no seu editorial do nº. 2 recolle "o espírito da nosa antecesora "Saudade Xove", converténdose no voceiro social da entidade do mesmo nome. Foi creada para manter informados aos seus socios das diversas actividades culturais organizadas pola entidade e tamén aparecen noticias xerais sobre Galicia e Cataluña: "A vontade desta revista é sobre todo encher o tempo de lecer de aqueles lectores que a poidan ter nas súas mans. Intentaremos ofrecerlles en cada número temas de actualidade, con entrevistas a músicos, escritores, políticos que poidan aportar a súa opinión, artigos que nos acheguen temas de toda índole, historia, xeografía, literatura, turismo etc., para descubrir aspectos da realidade galega dos que ás veces non nos decatamos, e tamén estarán presentes as actividades que a nosa agrupación está a facer".

Números conservados en formato papel:

2002: n. 2
2004: n. 3
2005: n. 4
2006: n. 5
2008: n. 6 (XXV anos de historia)

Esta revista societaria edítase anualmente coa finalidade de festexar o Día das Letras Galegas e para informar das diversas actividades que organizan os galegos de Santa Coloma de Gramanet para a súa celebración; contén artigos sobre o homenaxeado anual e sobre cidades galegas. Aparecen tamén colaboracións de carácter cultural, literario e lúdico, con seccións de gastronomía, refraneiros, "un pouco da nosa historia" etc.

Números conservados en formato papel (orixinal):

1999: n. 5
2001: n. 7
2004: n. 10
2005: n. 11
2006: n. 12
2007: n. 13
2009: n. 15
2010: n. 16

Publicación societaria, dirixida por Bieito Cupeiro, na que aparecen artigos e informacións sobre o Centro Coruñés; abundan os traballos e as colaboracións sobre Galicia e a súa historia, fragmentos literarios, principalmente poesías, relatos, anécdotas e opinións de todo tipo, ademais de numerosa publicidade.

Número conservado en formato microfilme:

1946: n. 2

Número conservado en formato papel:

1952: n. 5

Números conservados en formato dixital:

1952: n. 5
1954: n. 6
1955: n. 7
1956: n. 8

Boletín donde informan das diversas actividades da asociación e dos negocios dos galegos residentes en Cataluña e Andorra.

Número conservado en formato papel:

1998: n. 23

Publicación societaria na que aparecen noticias da entidade, artigos de cociña galega e saúdo do presidente.

Números conservados en formato papel:

1999: n. 2
2000: n. 3
2001: n. 4
2003: n. 6
2004: n. 7
2005: n. 8
2006: n. 9
2007: n. 10 (10º aniversario)
2009: n. 12
2010: n. 13

Esta revista societaria está editada anualmente polo Centro Galego Nós. Contén reportaxes sobre diversos temas culturais galegos. Ademais recollen saúdos de persoeiros destacados e numerosas colaboracións literarias; aparecen reseñas de todos os actos organizados pola entidade editora.

Números conservados en formato papel:

1998: [n. 0]
1999: n. 1
2000: n. 2
2001: n. 3
2002: n. 4
2003: n. 5 (25º aniversario)
2004: n. 6
2005: n. 7
2006: n. 8
2007: n. 9
2009: n. 11

Anuario editado pola A.C. Amigos da Gaita Toxos e Xestas.

Números conservados en formato papel:

• Curso 2009-2010
• Curso 2010-2011

Esta publicación societaria foi creada coa finalidade de informar das actividades organizadas pola mesma, a través das seccións: «Información al socio», «Actividades: programas», «Programas de festas». Complétase con noticias e artigos variados sobre Galicia, páxinas de pasatempos, humor, gastronomía e colaboracións literarias.

Números conservados en formato papel:

1989: n. 1-2
1990: n. 3-4
1991: n. 5-6
1992: n. 7-8
1993: n. 9-10
1994: n. 11
1995: n. 12
1996: n. 13
1997: n. 14
1998: n. 15
1999: n. 16
2000: n. 17
2001: n. 18
2002: n. 19
2003: n. 20
2004: n. 21
2005: n. 22
2006: n. 23
2009: n. 26
2010: n. 27

Esta revista está dirixida aos emigrantes galegos e socios que residen no Principado de Andorra. Comezou a editarse en 1999 coa pretensión de mantelos informados das actividades e noticias sobre a actualidade en Galicia. Ofrecen artigos sobre a literatura galega, sobre persoeiros históricos ou sobre a historia dun concello galego. Teñen seccións fixas de humor, cociña galega, pasatempos, entrevistas e cartas e escritos dos socios.

Números conservados en formato papel:

1999: n. 1-3
2000: n. 4-6
2001: n. 7-8
2002: n. 9

Esta publicación en español e inglés foi editada como voceiro desta sociedade para informar das súas actividades e do que ofrecen aos socios. Aparecen noticias sobre as diversas sociedades galegas da cidade.

Números conservados en formato papel:

1965: n. 1
1968: n. especial polo centenario social

Este periódico agrario xurdiu en Bos Aires no ano 1917 como resposta ao peche do xornal agrarista e anticaciquil «El Despertar», editado en Salceda de Caselas baixo a dirección de Joaquín Fernández Sestelo. Nun primeiro momento denomínase «La Voz del Centro», pasando a chamarse «El Agrario» posteriormente, máis acorde coa súa finalidade, pois pese a ser o órgano oficial da entidade e ofrecer ampla información sobre a mesma (actividades, noticias sociais, asembleas, etc.), a maior parte da publicación reflicte a súa preocupación pola actualidade española e da comarca desde postulados agraristas.

O AEG conserva o número extraordinario 85 editado en Bos Aires con motivo da celebración do 5º aniversario da saída do xornal, en formato papel e dixital.

Boletín informativo da sociedade "Naturales de Ortigueira" que vota a andar en 2005 coa intención de rescatar a revista homónima de que comezaron a publicar en 1942, para dar conta das convocatorias, os balances económicos e as actividades realizadas pola asociación.

Número conservado en formato papel:

2005: n. 1

Esta publicación societaria foi editada pola sociedade Unión Mugardesa para informar aos seus asociados das diferentes actividades organizadas pola entidade en pro da instrución na súa terra natal, prioridade da sociedade, ademais de salientar todo o que acontecía na súa terra natal.

Números conservados en formato dixital e impreso:

1918: n. 4 (extraordinario)
1922: n. 5-6

Esta publicación societaria comezou a editarse en 1911 como voceiro da sociedade de instrución Vivero y su comarca. Esta revista responde ao arquetipo das publicacións de sociedades: descrición das súas actividades, noticias da comarca, artigos diversos sobre Galicia, notas sociais e páxinas literarias. Tiveron como lema da publicación os seguintes ditos tomados de insignes reformadores como «Cada escuela que se abre, es una cárcel que se cierra», «Instruirse es una obligación», «El salvador fue maestro», «La instrucción es de necesidad pública» (Concepción Arenal) «El primer deber de un ciudadano es instruirse. El segundo es trabajar. Quien funda una escuela civiliza. Quien educa hombres hace patria» (J. N. Aramburu).
Estivo dirixida por Jesús Peynó, Francisco Docal, M. Barreiro, F. Almoina, X. Del Valle Mora, A. Fernández e foron colaboradores habituais J. M. Riguera Montero, Constantino Horta, José del Valle Moré, Perfecto Cobo García, Vicente Otero Cao, E. Saavedra L, P. M. T., Pascual Ramos, Andrés Prieto, Francisco Docal, José T. Pit, Miguel Roldán, Enrique Chao Espina, Alberto Michelena, Perfecto Guerreiro Santín, José Rivas y Pernas, Eduardo Núñez Martínez, D'Arxellas, Jorge Castelo Briz, Blanca Espinar ou César Michelena Rebellón.

Número conservado en formato dixital e impreso:

1954: maio

Esta publicación de carácter político, actúa como portavoz deste grupo, co obxectivo de loitar por unha España democrática e reivindicar a personalidade propia dos pobos catalán, galego e vasco. A revista recolle crónicas, artigos, comentarios e outro tipo de escritos arredor da situación socio-política en España.Tamén informa das opinións e reaccións políticas noutros países con respecto ao réxime franquista.

Número conservado en formato papel:

1974: n. 1

Esta publicación societaria ten como obxectivo, segundo o editorial do seu primeiro número, «(...) difundir las actividades internas y estrechar los lazos de unión de la gran familia que es nuestra querida Hermandad». A revista informa das actividades culturais e sociais desenvolvidas pola sociedade, a súa organización e composición (directivas, comités, funcións, etc.), e outros aspectos de interese para os socios.

Números conservados en formato papel:

1987: n. 1
1988: n. 2-4

Esta revista política nacionalista xorde co obxectivo manifesto de loitar pola cultura galega, o idioma, os costumes e o dereito a ser galegos nunha Galicia próspera, sen emigración e independente do Estado español. Contén artigos, notas e outro tipo de escritos de carácter histórico, cultural, económico e político relativos a Galicia. Complétase cunha serie de noticias arredor da nosa terra e das colectividades galegas no exterior, e con seccións musicais, deportivas e de humor, entre outras.

Números conservados en formato papel:

1980: n. 22
1981: n. 35-36, 38-39
1982: n. 41-42, 44-45

Xornal da Secretaría de Relacións Públicas da "Hermandad Gallega de Venezuela" que comeza a súa andadura en setembro de 2007 como voceiro da Xunta Directiva.

Números conservados en formato papel:

2007: n. 1-5
2008: n. 6-13
2009: n. 14

Esta publicación está editada pola sociedade Fillos da Provincia de Lugo, integrada por socios da Hermandad Gallega de Venezuela, naturais da provincia galega. Realizan unha descrición pormenorizada da historia do centro desde a súa fundación, e un percorrido sobre a xeografía, a cultura e a historia da provincia.

Número conservado en formato papel:

2001: n. 7

Esta publicación societaria editouse para homenaxear á banda de gaitas da sociedade Xuntanza Fillos de Ourense en Venezuela. Fan un percorrido polos membros do grupo folclórico galego e pola súa andaina artística, facendo un especial fincapé pola súa visita a Galicia no ano 2000 con motivo do Campionato Liga Galega de Bandas de Gaitas. Destacan sobre todo a súa visita a numerosos concellos ourensáns nos que actuaron para os seus paisanos; así como a súa participación na toma de posesión como presidente da Xunta de Galicia de Manuel Fraga.

Número conservado en formato papel:

2001: n. 1 (ed. especial)