Documentación varia sobre a escola "Escola Bernardino Rivadavia". Escola nº 2, situada na parroquia de San Salvador de Escuadro, no lugar de A Penadauga, fundada pola "Sociedad hijos de Silleda de protección mutua" en 1927.

Documentación conservada en formato papel:

• Listaxe de alumnos (1920-1921)
• Planos da escola

Documentación varia sobre a escola "Francisco Giner de los Ríos". Escola nº 3, situada na parroquia de San Salvador de Escuadro, no lugar de Marco, fundada pola "Sociedad hijos de Silleda de protección mutua" en 1921.

Documentación conservada en formato papel:

• Listaxe de alumnos (1925-1926 e 1931-1932)

Documentación varia sobre a escola "Rosalía de Castro". Escola nº 1, situada na parroquia de San Salvador de Laro, no lugar de Freixeiro, fundada pola "Sociedad hijos de Silleda de protección mutua" en 1917.

Documentación conservada en formato papel:

• Escritura de venta (01/06/1913)
• Pliegos de condicións para a construcción da escola
• Proxecto de escola: alzados e planta (en papel e en tea)
• Programa escolar (tamaño A3)
• Libro de contabilidade da escola (22/10/1929)
• Inventario de bens (30/06/1932)

Alzado da fachada do Hospital e Asilo e da Escola de Lalín, fundados pola "Sociedad hijos de Silleda de protección mutua", conservado en formato papel.

Documentación da sociedade "Unión Villalbesa y su Comarca" relativa ao Panteón societario, conservada en formato dixital:

• 1 libro de rexistro de inhumacións dende 01/1928 ata 11/1976 (57 páxinas)
• 1 listaxe do Osario da sociedade dende o 03/04/1928 ata o 02/12/1970 (1 páxina) e do Osario de "San Lorenzo de Árbol y su Comarca" dende o 11/08/1937 ata o 20/11/1968 (2 páxinas)
• 1 autorización de sepultura do 04/09/1968 (1 páxina)
• 1 listaxe do Mausoleo da sociedade dende o 04/09/1968 ata o 04/06/1971 e do Mausoleo de "San Lorenzo de Árbol y su Comarca" dende o 29/08/1968 ata o 16/07/1971 (1 páxina)

Documentación da sociedade "Unión de Baleira", conservada en formato dixital:

• Certificado de inscrición da sociedade no Rexistro de Contribuíntes do Ministerio de Facenda de Cuba do 01/03/1937 (1 páxina)
• Ficha do socio Ramón Cabezas López (1 páxina)
• Convocatoria e orde do día á Xunta Directiva do día 15/01/1973 (1 páxina)

Documentos de oficina do "Centro recreativo Uniâo do Río Tea", conservados en formato dixital.

Revista societaria na que informan aos socios das actividades polo 59º aniversario fundacional e das visitas de políticos galegos ás súas instalacións. As páxinas centrais están dedicadas á residencia para a terceira idade que mantén a sociedade, cos servizos e instalacións que posúen. Teñen tamén un pequeno apartado cultural cunhas páxinas dedicadas a Fray Martín Sarmiento e algúns poemas

Número conservado en papel:

2002: diciembre

Dossier elaborado con motivo da elección de Santiago Coelho Rodríguez Campo como Presidente da sociedade, conservado en formato papel, encanutillado.

Esta publicación societaria foi creada polo Centro Gallego de Puerto Rico como voceiro oficial da entidade, coa finalidade de difundir as actividades realizadas pola colectividade galega asentada neste país.

Número conservado en formato papel:

1997: marzo

Esta publicación societaria está editada pola comisión de instrución e cultura de Casa de Galicia de Montevideo, para desempeñar un papel cultural, ademais de ser o voceiro oficial da entidade. A maior parte dos seus contidos versan sobre Galicia, a súa literatura, historia, notas biográficas de persoeiros destacados, presenza de Galicia en Uruguai, situación da cultura, lingua, etc. Tamén aporta información das actividades da institución e a súa historia, conferencias pronunciadas, cursos, actividades científicas, etc.

Números conservados en formato papel:

1981: n. 2
1982: n. 3-5
1983: n. 6-8
1984: n. 9
1986: n. 10
1987: n. 11
1988: n. 12
1989: n. 13
1990: n. 14
1991: n. 15
1992: n. 16
1994: n. 17
1995: n. 18
1997: n. 20
2005: n. 22

Este periódico agrario xurdiu en Bos Aires no ano 1917 como resposta ao peche do xornal agrarista e anticaciquil «El Despertar», editado en Salceda de Caselas baixo a dirección de Joaquín Fernández Sestelo. Nun primeiro momento denomínase «La Voz del Centro», pasando a chamarse «El Agrario» posteriormente, máis acorde coa súa finalidade, pois pese a ser o órgano oficial da entidade e ofrecer ampla información sobre a mesma (actividades, noticias sociais, asembleas, etc.), a maior parte da publicación reflicte a súa preocupación pola actualidade española e da comarca desde postulados agraristas.

O AEG conserva o número extraordinario 85 editado en Bos Aires con motivo da celebración do 5º aniversario da saída do xornal, en formato papel e dixital.

Esta publicación edítase simultaneamente con «Ecos de Terra», coa finalidade específica de informar aos socios das actividades sociais da Casa de Galicia, principalmente dos servizos médicos da mesma, convenios de asistencia, obras nos policlínicos, departamentos médicos, visitas. Tamén aparecen algunhas noticias sobre o labor doutras seccións da entidade, como a biblioteca, o Instituto Curros Enríquez, etc.

Números conservados en formato papel:

1995: n. 1-6
1996: n. 7-9
1997: n. 10

Este xornal foi editado pola Federación de Sociedades Gallegas da República Arxentina e inclúe crónicas e noticias das súas actividades así como información interna da Federación (informes da xunta executiva, consello federal, asembleas, debates, disensións internas etc.); información local galega e da propia colectividade (na que se critica o papel das autoridades consulares); artigos de carácter político, nos que se reflexiona sobre a situación galega e española desde unha perspectiva agrarista (mesmo recollendo ou facendo chamamentos á mobilización agraria). Tamén aparecen traballos cunha temática moi variada sobre a instrución, a cooperación, o antiimperialismo, etc. Esta publicación vai evolucionando, ao mesmo tempo que as correntes dentro da propia Federación, desde unha perspectiva socialista a ter unha orientación nacionalista, o que provoca numerosas controversias na mesma e que ematará coa ruptura da mesma, continuando esta publicación como voceiro do sector nacionalista ata o ano 1930.

Fondos en microfilme:

1922: n. 3, 9, 11-12
1923: n. 13-24
1924: n. 25-42
1925: n. 43-66
1926: n. 67-89
1927: n. 90-113
1928: n. 114-137
1929: n. 138-161
1930: n. 163-183

Fondos dixitalizados:

1923: n. 23-24
1924: n. 25-42
1925: n. 43-66
1926: n. 67-89
1927: n. 90-113
1928: n. 114-137
1929: n. 138-161
1930: n. 163-183

Diario editado pola Federación de Instituciones españolas del Uruguay

Números conservados en formato papel:

1985: n. 24.069
1991: n. 25.883-25.884

Na asemblea do 26 de decembro de 1915 prodúcese unha escisión na Federación de Residentes de Teo, froito da cal é a aparición desta revista o 10 de marzo de 1916. Aínda que os seus contidos non difiren moito da revista «Teo», obsérvase unha maior preocupación galeguista nesta publicación, sobre todo nos seus colaboradores. Como lema da revista figura na súa portada «Por Galicia. Por el trabajador de la tierra gallega», como unha clara manifestación ideolóxica. Ademais de artigos de defensa do agrarismo e dos intereses do distrito electoral de Padrón, hai tamén información sobre a marcha das sociedades de emigrantes da comarca de Santiago e doutras zonas de Galicia existentes en Bos Aires (son as seccións «Nuestras sociedades» e «Sociedades Regionales»). Outras seccións serían «Temas de siempre», «Reflexiones» de J. Buela, ou «Orientaciones» de Cándido Mogo entre outras.

Números conservados en formato papel (fotocopias):

1916: n. 1-10
1917: n. 11-22
1918: n. 23-34
1919: n. 35-46
1920: n. 47-58

Números conservados en formato microficha:

1916: n. 1-2
1917: n. 11
1918: n. 26

Esta publicación societaria trata na súa maior parte das actividades e o labor da institución. Informa sobre a actualidade de Galicia e da comarca estradense (tomando como referencia as noticias recollidas na prensa galega). O resto da publicación son artigos de temática moi diversa (entrevista ao alcalde, historia e actualidade da Estrada, a emigración, o nadal, tradicións, cultura, etc.), que se complementan con colaboracións literarias e páxinas de ocio e gastronomía.

Números en formato papel:

• 1988: n. 5
• 1989: n. 11-12
• 1992: n. 29, 31- 33
• 1993: n. 45
• 1994: n. 54- 56
• 1995: n. 57-63
• 1996: n. 73-74

Publicación do "Centro Unión Orensana de La Habana" xurdida no ano 2010 para recoller anualmente a memoria e balance económico do exercicio anterior.

Número conservado en formato papel:

• 2010: n. 1

Este xornal foi editado polo Centro Orensano para informar do labor societario da entidade e da situación da colectividade, caracterizándose polo seu enfrontamento coa Federación de Sociedades Gallegas e o proxecto de impulsar a unión das pequenas sociedades parroquiais e comarcais en centros provinciais. Presta tamén unha especial atención ás novas de actualidade política, adoptando unha clara orientación galeguista e republicana, destacando a sección «Panorama» na que se analiza a política internacional no contexto do final da Guerra Mundial e as posibilidades da caída do rexime franquista. Complétase con artigos sobre a provincia de Ourense, Galicia e a súa cultura, e diversas colaboracións literarias. Estivo dirixido por Rodolfo Prada, destacado galeguista.

Número conservado en formato microfilme:

1944: n. 1-4
1945: n. 5-28

Órgano societario da asociación de emigrantes de Chantada en Bos Aires que informa sobre as actividades da entidade; contén tamén notas sociais e culturais sobre Chantada e a súa comarca.

Número conservado en formato papel (fotocopias):

• 1942: n. 13