Banderín e insignia co escudo da sociedade "Unión Hijos de Morgadanes residentes en el Plata".

Carta enviada polo Presidente do "Centro Unión Orensana de La Habana", Xosé Manuel Docampo, á Directora do Arquivo da Emigración Galega do Consello da Cultura Galega, María Xosé Rodríguez Galdo, na que responda á súa solicitude de información sobre a sociedade "Unión Orensana" e indica que en xuño de 1994 foi encargado da Comisión Organizadora do seu rescate, cando pasaría a chamarse "Centro Unión Orensana de La Habana". Envía o regulamento vixente no momento de escribir a carta, o regulamento de 1940, emblemas antigo e actual, relación de actividades realizadas en 1996 e a enquisa "Fontes documentais das sociedades galegas" cuberta.

Carta enviada pola sociedade "Unión Hijos de Morgadanes residentes en el Plata" a Marcelino X. Fernández Santiago, coordinador do Arquivo da Emigración Galega o 12/11/1998, para facerlle chegar información societaria e o seguinte material:

• Estatutos
• Banderín
• Pin

Correspondencia da sociedade "Unión Trivesa", conservada en formato dixital e impreso:

• Carta enviada o día 30/08/1942 polo Secretario da sociedade, Adolfo Pérez, ao Presidente do Comité Xestor de Axuda ás Democracias, confirmando á súa contribución económica na causa.
• Certificado do día 30/08/1942 conforme Juan Varela Grande, Presidente do "Centro Gallego", recibiu un donativo da sociedade para o Comité Xestor de Axuda ás Democracias.
• Carta enviada o día 15/11/1944 ao Presidente da sociedade polo Presidente de "Unión Orensana", Arturo Pérez, para invitalo a unha función de cine.
• Carta e programa enviados o día 18/11/1944 ao Presidente da sociedade polo Secretario Xeral do Centro de Divulgación Social, para invitalo á conferencia de Enrique López Alarcón do día 20/11/1944.
• Carta enviada en 1945 polo Secretario da Comisión Organizadora da Convención Nacional Democrática Pro República Española, Francisco Masiques, ao Presidente da sociedade, para felicitalo polo número de delegados designados para a convención.
• Carta e manifesto enviados o día 30/07/1945 polo Secretario da Comisión Organizadora da Convención Nacional Democrática Pro República Española, Francisco Masiques, ao Presidente da sociedade, para facerlle chegar o manifesto relativo á convención dos días 14-15/09/1945.
• Carta e programa enviados o día 29/06/1946 polo Presidente da Casa da Cultura na Habana, Pedro Cavia, ao Presidente da sociedade, relativos ao V Congreso Nacional da Casa da Cultura titulado "Unidad y lucha por la República Española".
• Circular enviada en xuño de 1946 relativa á celebración do Congreso por parte da Convención Nacional Democrática Pro República Española.
• Carta enviada en agosto de 1946 polo Secretario da Comisión Organizadora da Convención Nacional Democrática Pro República Española, Francisco Masiques, ao Presidente da sociedade, coa relación de delegados.

Correspondencia da sociedade "Unión Trivesa", conservada en formato dixital e impreso:

• Carta enviada o día 26/06/1946 pola socia Escolástica Sánchez ao Presidente da sociedade, Julio Rodríguez Blanco, en agradecemento pola súa atención durante un período de enfermidade.
• Listaxe de compoñentes do Comité de Damas da sociedade.

Correspondencia da sociedade conservada en formato dixital e impreso:

• Libro de rexistro da correspondencia mantida pola sociedade "Progreso de Coles", na súa meirande parte coa sociedade "Agricultores de Coles", dende o 14/11/1910 ata o 14/10/1917 (84 páxinas): dixitalizado incompleto
• Convite á reunión do "Centro Gallego de La Habana" do 17/08/1942
• Convite á reunión da "Sociedad de Instrucción Progreso de Coles" do 04/09/1942

Escrituras notariais da "Sociedad de Instrucción Progreso de Coles", conservadas en formato dixital e impreso:

• Escritura notarial dunha cesión económica coa sociedade "Agricultores de Coles" (19/08/1911)
• Escritura notarial dun préstamo con hipoteca (20/09/1957)

Documentación relativa ao Panteón da "Sociedad de Beneficencia y Recreo Progreso de Coles", conservada en formato dixital e impreso:

• Certificado de cesión do Panteón e escritura de propiedade (25/04/1968)
• Certificado de acta (09/12/1969)

Documentación mutualista do "Centro Unión Orensana de La Habana" conservada en formato papel:

• Memoria de actividades realizadas durante o ano 1996
• Emblema societario utilizado durante as décadas 1930-1940
• Emblema societario utilizado dende 1995

Estatutos da "Agrupación de Valdeorras y Viana", conservados en formato dixital e impreso:

• Estatutos aprobados o 23/01/1928 e publicados en 1929 (24 páxinas)
• Estatutos aprobados o 23/12/1931 e publicados en 1932 (20 páxinas)

Fotografías da sociedade "Unión Trivesa", conservadas en formato dixital:

• 1 fotografía da Xunta Directiva (1932)
• 3 fotografías do Comité de Damas
• 2 fotografías de Arboiro (1933)
• 2 postais e 2 fotografías da fonte e lavadoiro en San Xoan de Río, Arboiro (1933)
• 1 fotografía do Panteón no Cemiterio de Colón (1941)

Fotografías da "Sociedad Progreso de Coles", conservadas en formato dixital:

• 18 fotografías realizadas en banquetes
• 3 fotografías de grupo
• 1 fotografía da Xunta Directiva
• 1 fotografía da Xunta Xeral de Socios (1946)

Fotografías tomadas en reunións e actos da "Asociación Civil Fillos de Ourense", conservadas en formato dixital:

• 1 fotografía da Xunta Directiva
• 1 fotografía do grupo folclórico
• 2 fotografías dos equipos de fútbol
• 1 fotografía nunha feria gastronómica
• 1 fotografía nun magosto
• 1 fotografía dunha ofrenda floral

Libro de actas das reunións da Sección de Propaganda da "Sociedad Progreso e Instrucción de Coles", conservado en formato dixital e impreso:

• Libro con 41 actas dende o 09/06/1927 ata o 07/06/1933 (91 páxinas)

Libro de Actas das reunións das Xuntas Xerais de Socios da sociedade "Ribadavia y su Comarca", conservado en formato dixital e impreso:

• Libro con 24 actas dende o 16/08/1960 ata o 18/01/1966 (37 páxinas)

Libro de actas das reunións das Asembleas de Socios da sociedade "Carballino y su partido", conservado en formato dixital e impreso:

• Libro con 28 actas dende o 09/07/1960 ata o 08/05/1967 (70 páxinas)

Libro de Actas das reunións das Xuntas Directivas da sociedade "Ribadavia y su Comarca", conservado en formato dixital e impreso:

• Libro con 31 actas dende o 16/08/1960 ata o 13/12/1965 (42 páxinas)

Libros de Actas das reunións das Xuntas Xerais de Socios da "Sociedad de Instrucción Progreso de Coles", conservados en formato dixital e impreso:

• Libro nº 1 con 81 actas dende o 07/10/1910 ata o 27/03/1932 (210 páxinas)
• Libro nº 2 con 107 actas dende o 14/04/1933 ata o 15/07/1963 (235 páxinas)

Libros de Actas da sociedade "Trives y su Comarca", conservados en formato dixital e impreso:

• Libro con 13 actas das reunións das Xuntas Xerais de Socios dende o 12/06/1921 ata o 16/01/1923 (16 páxinas)
• Libro copiador das 54 actas das Xuntas Directivas e Xeral, ordinarias e extraordinarias, dende o 29/12/1923 ata 21/12/1927 (38 páxinas)
• Libro con 51 actas das reunións das Xuntas Xerais de Socios dende o 09/01/1928 ata 28/04/1940 (77 páxinas)

Libros de Actas das reunións das Xuntas Directivas da "Sociedad de Instrucción Progreso de Coles", conservados en formato dixital e impreso:

• Libro con 91 actas dende o 27/12/1910 ata o 06/03/1922 (200 páxinas)
• Libro con 80 actas dende o 31/03/1922 ata o 10/03/1932 (177 páxinas): dixitalizado incompleto
• Libro con 129 actas dende o 13/05/1933 ata o 19/08/1963 (194 páxinas)