Enquisa "Fontes documentais das sociedades galegas" remitida ao Arquivo da Emigración Galega do Consello da Cultura Galega en marzo de 1997 polo "Centro Gallego de Mallorca", conservada en formato papel.
Díptico sobre a actuación da compañía de teatro Anduriña "Petición de man" organizada pola Asociación Cultural Galega Rosalía de Castro e celebrada o 14/06/1997, conservado en formato papel.
Recorte de prensa de "La Región internacional" do 28-31/07/1988, sobre o grupo folclórico "Anduriñas dos Alpes" do Grupo Galego de Aarau, conservado en formato papel.
Carta enviada aos centros galegos na Suiza pola Irmandade Galega na Suiza, na que indican os puntos tocados na ponencia celebrada no 2º congreso da Federación de Sociedades Galegas na Suiza (FSGS) o 03/04/1982, conservada en formato papel.
Manifesto do "Fato pra unha Galiza ceibe e socialista" no que explican os motivos da súa constitución e os seus obxectivos e convidan a participar no mitin que se celebrará na Patinoire de Xenebra o día 30/04, conservado en formato papel.
Calendario galego do ano 1981 editado pola asociación Galiza Hoxe, con ilustracións de Castelao e referencia a acontecementos políticos relativos a persoeiros galegos, conservado en formato papel.
Circular enviada polo Vicepresidente da Federación de Sociedades Galegas na Suiza, José Pereira, aos centros que a conforman para informalos do acordo adoptado na Asemblea de Delegados celebrada en Xenebra o día 14 de marzo de 1981. Nesa Asemblea acordouse celebrar en Lausanne o Día de Galicia na Suiza nos días 4 e 5 de xullo. Para a súa celebración insta a creación dunha comisión en cada centro participante e á súa comunicación inmediata co obxectivo de convocar unha xuntanza a nivel nacional.
Libro de rexistro de propiedades e valores da "Sociedad de Beneficencia de Naturales de Galicia" de pisos, locais, terreos, … que actualmente están expropiados polo goberno cubano. Libro de 16 páxinas (04-05/1932) conservado en formato dixital.