Amosando 404 resultados

Descrición arquivística
Fondos do Arquivo da Emigración Galega Europa Publicacións periódicas
Previsualización da impresión Ver:

O Noso Lar

Esta publicación societaria foi editada para conmemorar o 25 aniversario fundación da sociedade O Noso Lar de Terrassa (Barcelona). Ademais de facer un percorrido histórico polos principais fitos e actividades da entidade, conta con artigos sobre Galicia, autores galegos, etc. Hai tamén varias entrevistas a socios fundadores e directivos.

Número conservado en formato papel:

2007: 25º aniversario

Irmandade Galega O Noso Lar

Fiesta de las Nacionalidades y Comunidades Autónomas

Publicación societaria editada con motivo da celebración dunha festa popular organizada pola sociedade Irmandade A Nosa Galiza de Mollet del Vallès para toda a colectividade inmigrante residente na comarca. Ademais do programa de actividades organizadas, hai tamén información sobre a entidade e o seu grupo de música e danza etc. Tamén reproducen textos literarios galegos e cataláns e pequenos artigos sobre lugares e monumentos galegos.

Números conservados en formato papel:

  • 1987: VIII festa
  • 1989: X festa
  • 1990: XI festa
  • 1991: XII festa
  • 1992: XIII festa
  • 1996: XVII festa
  • 2000: XXI festa
  • 2001: XXII festa
  • 2004: XXV festa
  • 2005: XXVI festa
  • 2006: XXVII festa
  • 2007: XXVIII festa
  • 2008: XXIX festa
  • 2010: XXXI festa
  • 2011: XXXII festa
  • 2012: XXXIII festa

Irmandade A Nosa Galiza

Irmandade : voceiro da Irmandade Galega na Suiza

Esta publicación societaria foi editada pola Irmandade Galega na Suíza, para dar información sobre as súas actividades. Aparecen tamén traballos de carácter cultural recollidos en seccións como «Follas culturais do noso pobo», «Voces na cultura galega», etc., que abordan preferentemente aspectos da literatura galega; hai tamén unha serie de traballos de carácter histórico (as nacións celtas, historia de Galicia, pedagoxías do século XX, etc.). Complétase con diversos artigos políticos, manifestos, actividades realizadas en Suíza pola AN-PG e sobre a actualidade galega.

Números conservados en formato papel:

1978: n. 3-5
1979: n. 6-8

Irmandade Galega na Suiza

Galiza hoxe

Esta publicación societaria foi creada para difundir a cultura galega entre a colectividade emigrada; no número consultado fan a reprodución da revista «Festa da palabra silenciada» dedicado a Francisca Herrera Garrido (nota bibliográfica e análise da súa obra), acompañado dunha entrevista con Ricardo Carvalho Calero e diferentes poesías.

Número conservado en formato papel (fotocopias):

1986: xaneiro (n. especial)

Galicia Hoxe Grupo Cultural Galego

Publicacións que forman parte da biblioteca da sociedade

Publicacións que forman parte da biblioteca da "Sociedad de Beneficencia de Naturales de Galicia".

Conservadas en formato dixital e impreso:

  • Portada de "Grafía Galega" de Fuco G. Gómez, publicado na Habana en 1927.
  • Portada de "Covadonga : Epopeya en XV gestas" de José Rubinos, publicado na Habana en 1950.
  • Portada de "Galicia" de Juan Rivero, publicado na Habana en 1905.
  • "Cantigas d'a miña terra : álbum de melodías gallegas" de Jose Barreiro (14 páxinas), publicado na Habana en 1942. O deseño da portada é de Camilo Díaz Baliño. Inclúe partituras musicais de pezas tradicionais galegas.

Conservadas en formato dixital:

  • "A Terra : revista mensual órgano del Centro Gallego", publicada en Córdoba (Arxentina) (34 páxinas)
  • Novela "Como son os do Glorioso" de Xesús Fernández e González. O deseño da portada é de Camilo Díaz Baliño. Na revista "Lar", ano 2, n. 7 (23/05/1925) (27 páxinas)
  • Número extraordinario de "Vida Gallega : órgano oficial de la Sociedad de Beneficencia de Naturales de Galicia", ano 2, n. 12-14 (25/07/1939) (9 páxinas)
  • Obra de teatro "Santa Misión", publicada na Habana en 1896.

Sociedad de Beneficencia de Naturales de Galicia

Semana das Letras Galegas

Publicación societaria na que se informa sobre as diversas actividades da entidade centradas na celebración do Día das Letras Galegas, con pequenos artigos sobre Galicia, autores galegos, etc.

Números conservados en formato papel:

1990
1991
1992
1995
2000
2004
2005
2006
2009
2010

Casa Cultural de Galicia en Elgoibar

Fogar de Breogán : Voceiro do Centro Galego de Hannover

Esta publicación societaria informa das diferentes actividades organizadas pola entidade editora, o Centro Galego de Hannover en Alemaña. Compleméntase con escritos sobre a arte, cultura, tradicións galegas e unha sección de pasatempos.

Número conservado en formato papel:

1988: setembro

Centro Gallego de Hannover

Galicia en Londres

Publicación societaria que comeza a publicarse en 1991 para servir de vehículo informativo á comunidade galega de Londres en paricular e do Reino Unido en xeral; para servir de portavoz de tódolos galeguistas e amantes da nosa terra e cultura. Nela tratan temas de cultura, folclore, traballo, sociedade, educación, deporte, política, etc.

Número conservado en formato papel:

1991: n. 0

Centro Gallego de Londres

Buenas maneras : Sección Educativa de los niños del Centro Gallego de Marsella

Nesta publicación aparece a reprodución de contos destinados aos socios do Centro Galego de Marsella menores de 14 anos, para fomentar o hábito da lectura e a adquisición de pautas de conduta correctas.

Números conservados en formato papel:

1995: n. 1-2

Centro Gallego de Marsella

Xuntanza : voceiro do Centro Galego

Esta publicación societaria foi editada coa finalidade de «informarnos y asesorarnos sobre las cosas que nos conciernen a todos los que nos encontramos fuera de nuestra patria». O contido é diverso, pero céntrase na vida interna da institución, noticias da colectividade e doutras entidades, e inclúe artigos sobre emigración, lingua, cultura galega, bibliografías, etc.

Números conservados en formato papel:

1992: n. [0]-1
1993: n. 2
1995: maio
1997: novembro

Centro Gallego de Winterthur

Vento do leste : Revista de Cultura, Arte e Sociedade

Esta revista cultural pretende «recolle-las inquedanzas dos galegos a través dos distintos Centros e Sociedades culturais e interrelacionarnos e propiciar un maior coñecemento da nosa cultura, da nosa historia e da nosa sociedade». Contén información sobre a colectividade galega en Cataluña e as súas sociedades, noticias sobre Galicia, e outras colectividades emigradas. Complétase con artigos sobre cultura galega en xeral: literatura, arte, etc.

Números conservados en formato papel:

1993: n. 0
1994: n. 1
1995: n. 2
1996: n. 3
2001: n. 8
2002: n. 9
2003: n. 10
2004: n. 11
2005: n. 12
2007: n. 14

Federación de entidades culturales gallegas en Catalunya

Vagalume

Esta revista foi editada coa finalidade de difundir as actividades desenvolvidas pola entidade editora, a vida societaria en xeral (sección «Noticieiro do Centro»). O resto da publicación contén traballos culturais de carácter diverso, notas históricas, económicas e novas da actualidade galega.

Número conservado en formato papel:

1981: n. 0

Centro Gallego de Vizcaya en Baracaldo

Festas do Santiago

Boletín societario editado con motivo da celebración das Festas do Apóstolo. Ademais do programa das festas cos diversos actos festivos, culturais e deportivos, a directiva aproveita para informar de diversas cuestións interesantes para os socios. A metade da publicación son textos literarios, escritos todos en galego.

Números conservados en formato papel:

1984 (220 x 156 mm)
1986 (215 x 150 mm)
2005 (tamaño A4)

Centro Gallego de Vizcaya en Baracaldo

Enxebre : voceiro do Grupo Galego de Aarau

Esta publicación foi editada para achegar a actualidade da entidade aos seus socios (actividades, local social, xunta directiva, etc.) e inclúe información sobre a sociedade galega en xeral con artigos de carácter cultural, económico, político e social (convenios colectivos, autonomía, etc.).

Número conservado en formato papel:

1984: n. 1

Grupo Galego de Aarau

Xornal d'a Nosa Galiza

Revista societaria que no seu editorial proclama "a percura do millor galego esquirto que nos sexa posible é unha das preocupazóns dos que redaitamos iste xornal". Consta de varias seccións: "Literatura" con biografías de autores galegos recoñecidos, informacións sobre libros e tamén sobre teatro e poesía; "economía" sobre a situación actual de Galicia; a vida societaria, directivas, o balance económico da entidade e as actividades organizadas para os socios; ademais hai artigos sobre temas que poden interesar aos socios e a colectividade emigrada, reproducións de artigos publicados na prensa galega, debuxos de Castelao, etc.

Número conservado en formato papel:

1970: n. 2

Sociedade "A Nosa Galiza"

Informe do Hospital Espanhol : Órgâo oficial da Sociedade Espanhola de Beneficência

Esta publicación societaria está editada como órgano oficial da entidade para informar aos seus socios das actividades realizadas polo Hospital Espanhol, da súa propiedade, das súas instalacións e dos servizos que ofrece aos socios, etc. Tamén conta con noticias sobre a sociedade e un saúdo-editorial do seu presidente.

Números conservados en formato papel:

2001: n. 1-2

Sociedade espanhola de beneficência Hospital Espanhol de Rio de Janeiro

Casa de España : Órgano oficial de divulgación de la Casa de España de Rio de Janeiro

Esta publicación está editada como órgano oficial da Casa de España de Rio de Janeiro para informar das diversas actividades organizadas polas seccións desta entidade, composición da directiva, etc. Aparecen tamén artigos sobre persoeiros destacados da colectividade galega residente en Rio, sobre a emigración (aspectos tratados no I Congreso Mundial de Centros Españoles ou no Consejo de Residentes Españoles, política institucional tanto española como brasileira, etc.) , textos literarios e unha sección de noticias sociais de moi diverso tipo.

Números conservados en formato papel:

1ª época
1988: n. 70-72
1989: n. 74
2ª época
1994: n. 1-5
1995: n. 7-9
1996: n. 15
1997: n. 18-21, 23
1998: n. 24, 26, 29
2001: n. 44-46
2003: n. 54-56
2004: n. 58
2006: [s.n.]
2008: [n.s.] n. 57

Casa de Espanha de Rio de Janeiro

Festa Galega en honor a Santiago Apóstol

Esta publicación societaria está editada con motivo da celebración da festa de Santiago Apóstolo. Ten a finalidade de dar a coñecer o programa festivo organizado pola entidade editora; aproveitan para dar a coñecer as actividades societarias realizadas ao longo do ano. Inclúe ademais algúns artigos sobre Galicia.

Números conservados en formato papel:

  • 1998: I Festa Galega
  • 1999: II Festa Galega
  • 2000: III Festa Galega
  • 2001: IV Festa Galega
  • 2002: V Festa Galega
  • 2003: VI Festa Galega
  • 2004: VII Festa Galega
  • 2005: VIII Festa Galega
  • 2006: IX Festa Galega
  • 2008: XI Festa Galega
  • 2010: XIII Festa Galega

Agrupación Cultural Gallega Alborada

Galicia avui = Galicia hoxe

Esta publicación societaria está editada con motivo da celebración da Festa das autonomías para informar aos socios do Centro Galego Nós de Sabadell do programa de actividades que están organizadas para esa festa e na que participan diversas asociacións de españois asentados en Cataluña. Ademais dun saúda do seu presidente, hai algunha colaboración literaria e artigos sobre os grupos folclóricos e asociacións que colaboran na festa.

Números conservados en formato papel:

  • 2001
  • 2003
  • 2007

Centro Gallego Nós

Galicia en Valencia : Órgano Informativo de la Hermandad Gallega de Valencia

Esta revista societaria foi creada pola Hermandad Gallega de Valencia, para informar aos seus socios dos actos sociais e culturais desenvolvidos e/ou nos que tivo participación a entidade. Complétase con noticias procedentes de Galicia e actualidade deportiva. Tamén inclúe composicións literarias.

Números conservados en formato papel:

1988: n. 1
1993: n. 11
1994: n. 12

Hermandad Gallega de Valencia

Resultados 21 a 40 de 404