Este periódico de información xeral recolle principalmente as novas da colectividade e as actividades das diferentes institucións, visitas de personalidades, etc., incluíndo noticias da actualidade galega (políticas, económicas, sociais) recollidas principalmente dos xornais editados aquí. Outros artigos fan referencia á historia da colectividade, á cultura galega, á emigración, á cociña galega, etc.
Esta publicación cultural está editada con motivo do quinto aniversario do Coro Galego Brétemas e Raiolas. Contén colaboracións literarias e traballos sobre diversos aspectos da cultura galega, especialmente sobre a música e os coros e inclúe artigos nos que se fan varios chamamentos á mocidade emigrante para que non esqueza as súas orixes e participe nas actividades da colectividade. A revista complétase cunha breve descrición da historia do Coro e doutras institucións culturais galegas e un programa dos actos que van ser celebrados.
Carta mecanografada de José Ares Miramontes (1957) Carta manuscrita de Ramón Otero Pedrayo (1958) Recorte de prensa no que se anuncian os gañadores dos Xogos Florais do Idioma Galego (1968) Recorte de prensa no que se anuncia a traducción ao galego da epopeia arxentina "Martín Fierro" (1978) 6 programas de actuacións (fotocopias) 5 partituras musicais (fotocopias) 2 fotografías de actuacións da coral (fotocopias)
Este fondo consta da seguinte documentación en formato papel:
1 catálogo sobre unha feira de artesanía galega 1 convite a un acto en conmemoración do Día das Letras Galegas de 1968 1 manifesto apoiando o plebiscito do ano 1936 a prol da Autonomía Galega 1 memoria de actividades do grupo relativa a 1967-1968
Convite do "Patronato da cultura galega de Montevideo" para asistir á inauguración da exposición de pinturas de Manuel Otero na sede do padroado o día 11/06/1993.
Convite da "Embajada de España" e o "Instituto de Cooperación Iberoamericana" en colaboración co "Patronato da cultura galega de Montevideo" para asistir á conferencia da poetisa galega Luisa Castro titulada "Laberinto de lenguas, laberinto de culturas" na sede do padroado.
2 convites conminando á adhesión polo Día das Letras Galegas
1 convite a unha exposición na Galería Lucense os días 17-30/09/1970 de artesanía e postais galegas
1 convite a unha exposición na Galería Lucense entre o 21/04/1972 e o 04/05/1972 de affiches sobre motivos galegos realizados polo debuxante Manuel Cordeiro
Convite da Sociedade "Unión del Partido de Lalín" a participar nunha velada artística danzante o día 02/08/1947 no Salón Región Leonesa, que inclúe o programa de actividades.
Convite á "Gran Romería Gallega" (28/01/1951) no "Recreo Rivadavia" organizada pola Asociación Unión Residentes de los Ayuntamientos de Vigo y Lavadores
Convite á conferencia "Galicia y los gallegos en la literatura uruguaya" de Carlos Zubillaga Barrera o día 17/10/1985 en conmemoración do 68º aniversario da fundación da Casa de Galicia de Montevideo, conservado en formato papel.