Esta publicación cultural de orientación galeguista, da que só saíron dous números, foi editada pola Asociación Protectora de la Cultura Gallega de Montevideo. Nela aparecen numerosos artigos sobre Galicia e a súa literatura, historia, arte, arqueoloxía, etc. e descricións das actividades realizadas a prol da mesma en Montevideo e noutros lugares como Cuba ou Galicia. Neste senso reivindicativo da identidade cultural galega, reproducen manifestos nacionalistas e diversas colaboracións de autores galegos e uruguaios. A orientación ideolóxica da revista pode observarse na sección «Farrapos», redactada por C. Sánchez Mosquera, na que realiza diversos comentarios sobre o galeguismo, o caciquismo, a actualidade, etc. Por último, informan das actuacións da propia asociación: campañas, correspondencia, manifestos, listado de afiliados, etc.

Números conservados en formato papel (fotocopias):

1929: n. 1
1930: n. 2

Esta publicación cun marcado compoñente político, foi creada durante a II República española polo Comité Autonomista Gallego de Montevideo, para informar da actualidade da Península, adoptando unha postura conservadora e crítica coa liña do Partido Galeguista. Aparecen numerosos artigos de carácter cultural e de orientación nacionalista, que se complementan con informacións das actividades do propio comité e doutras sociedades no Río da Prata.

Números conservados en formato papel (facsímil):

1934: n. 1-11
1935: n. 12

Semanario feito exclusivamente para Galicia e os galegos residentes en Uruguai. Destaca a atención preferente que fan á Casa de Galicia de Montevideo (actividades societarias, directivas, seccións, etc.). Na práctica converteuse no seu voceiro oficial.
Tamén conta con artigos literarios e culturais. Defende o pensamento rexionalista.
Naceu coa intención de continuar co labor de Tierra Gallega, ambos os dous semanarios foron fundados e dirixidos por José M.ª Barreiro.

Números conservados en formato dixital:

1918: n. 1-12
1919: n. 13

Esta publicación edítase simultaneamente con «Ecos de Terra», coa finalidade específica de informar aos socios das actividades sociais da Casa de Galicia, principalmente dos servizos médicos da mesma, convenios de asistencia, obras nos policlínicos, departamentos médicos, visitas. Tamén aparecen algunhas noticias sobre o labor doutras seccións da entidade, como a biblioteca, o Instituto Curros Enríquez, etc.

Números conservados en formato papel:

1995: n. 1-6
1996: n. 7-9
1997: n. 10

Esta publicación societaria foi publicada como libro-memoria da entidade editora, onde se nos presentan as sociedades e os directivos que forman parte de dita federación, ademais das diversas actividades organizadas por eles.

Números conservados en formato papel:

[1991]
2011
2016

Esta publicación societaria foi creada coa intención de informar dos fins, historia e actividades da entidade editora («Historia de una ilusión», notas biográficas, visitas e saúdos de personalidades, doazóns, festas, excursións). O resto da publicación son artigos evocadores de Galicia e da comarca de Bergantiños, con referencias á cultura («Figuras ilustres de Bergantiños»), a xeografía («El paisaje de Bergantiños», «Así es nuestra tierra», «Estampas da terra»), os costumes («Domingo de feira», «As nosas cousas: Na feira de Rebordelos»), etc.

Números conservados en formato papel:

1982/1983: n. 1
1986: n. 2

Memorias sociais publicadas polo "Hogar español de ancianos".

Números conservados en formato papel:

1989-1990
1995-1996
1999-2000
2002-2003

Boletín informativo da "Sociedade de socorros mútuos e beneficiente Rosalía de Castro".

Número conservado en formato papel:

2004: xuño

Esta publicación societaria está editada polo Centro Espanhol de Salvador de Bahia para informar aos seus socios das diversas actividades realizadas pola entidade, das súas instalacións, dos seus socios etc. Aparecen ademais reportaxes sobre lugares de Galicia e a súa cultura. Está escrita en portugués.

Número conservado en formato papel:

1988: xullo

Memoria da "Sociedade Espanhola de Beneficência Hospital Espanhol" (153 páxinas), conservada en formato papel.

Memoria e balance xeral da "Sociedad hijos de Silleda de protección mutua", dende o 01/09/1968 ata o 31/08/1969, conservada en formato papel.

Nos fondos da entidade podemos atopar a seguinte publicació, da que o AEG conserva os seguintes números en formato papel:

• 1937: n. 69-0, 83, 95, 101, 107

Esta publicación cultural foi editada pola sociedade cultural Xeito Novo para achegar aos galegos de Bos Aires á realidade galega. A revista estructúrase en seccións como: «Libros», «Actividade Cultural», «Música», «Idioma», «Costumbres» ou «Cine», que aproximan ao lector a diferentes aspectos da cultura galega, así como ás actividades realizadas na colectividade emigrada. Outro eixe básico é a recuperación da memoria histórica da emigración («Testimonios», «Memoria», etc.). Noutras seccións abórdanse temas como a actualidade de Galicia, a gastronomía, rutas turísticas, a emigración, etc.

Números conservados en formato papel:

1993: n. 1
1994: n. 2-4

Publicación societaria editada pola Fundación Xeito Novo de Cultura Gallega.

Número conservado en formato papel:

1991

Memoria e balance da sociedade "Centro Gallego y Saviñao" correspondente ao 40º exercicio dende o 01/10/1995 ata o 30/09/1996 (12 páxinas), conservada en formato papel.

Boletín editado polo "Centro gallego de Santa Fé" en 1969 con motivo do seu 50º aniversario (82 páxinas), conservado en formato papel.

Revista editada pola "Federación de asociaciones españolas de la provincia de Santa Fé".

Números conservados en formato papel:

• "Nuestros inmigrantes": n. [2] (2002)
• "Nuestras costumbres, deportes y gastronomía": n. [3] (2003)

Boletín editado polo "Centro Gallego de Mar del Plata, cultural, social, recreativo y deportivo" con motivo da 39ª semana galega do ano 1995. Incorpora noticias sobre a sociedade, as súas actividades e información sobre Galicia.

Memoria e balance xeral do "Centro Gallego de Mar del Plata, cultural, social, recreativo y deportivo" correspondentes ao período de 01/07/1995 a 30/06/1996, conservados en formato papel.

Esta revista societaria informa sobre as actividades e acontecementos internos do Centro Gallego de Partido General Sarmiento.

Números conservados en formato papel:

• 1997: n. 3