Estatutos do Centro Gallego de Bizkaia en Barakaldo renovados en xullo de 1989 (55 páxinas) e publicados en 1990, conservados en formato papel.

Carta enviada o 07/04/1991 por Alberte Sanmartín, Delegado de Cultura do Centro Galego de Bizkaia en Barakaldo, ao consello da Cultura Galega, para achegarlles a seguinte documentación en formato papel:

• Memoria e fins societarios
• Enquisa "Entidades" para elaborar o censo cultural
• Enquisa "Medios de comunicación" para elaborar o censo cultural

Esta revista foi editada coa finalidade de difundir as actividades desenvolvidas pola entidade editora, a vida societaria en xeral (sección «Noticieiro do Centro»). O resto da publicación contén traballos culturais de carácter diverso, notas históricas, económicas e novas da actualidade galega.

Número conservado en formato papel:

1981: n. 0

Boletín societario editado con motivo da celebración das Festas do Apóstolo. Ademais do programa das festas cos diversos actos festivos, culturais e deportivos, a directiva aproveita para informar de diversas cuestións interesantes para os socios. A metade da publicación son textos literarios, escritos todos en galego.

Números conservados en formato papel:

1984 (220 x 156 mm)
1986 (215 x 150 mm)
2005 (tamaño A4)

Programas das festas organizadas pola Irmandade de Centros Galegos en Euskadi con motivo do Día de Galicia en Euskadi, conservados en formato papel:

• Cartaz das actividades organizadas polo Día das Letras Galegas (08-17/05/1987): o 10 de maio celébrase o Día de Galiza en Euzkadi
• Tríptico do V Día de Galicia (1990)
• Folleto do X Día de Galicia, 15 páxinas (1995)
• Folleto do XI Día de Galicia, 7 páxinas (1996)
• Folleto do XII Día de Galicia, 11 páxinas (1997)

Esta publicación foi editada para achegar a actualidade da entidade aos seus socios (actividades, local social, xunta directiva, etc.) e inclúe información sobre a sociedade galega en xeral con artigos de carácter cultural, económico, político e social (convenios colectivos, autonomía, etc.).

Número conservado en formato papel:

1984: n. 1

Folleto co programa de actividades con motivo do "I Concurso de folklóre galego" organizado pola sociedade "Promoción de la Cultura Gallega", conservado en formato papel.

Cartaz da montaxe audiovisual "Historia de Galicia" organizada pola Irmandade Galega O Pote Zurich e Galicia Hoxe Grupo Cultural Galego, conservado en formato papel.

Listaxe de membros do Comité da Sociedade "A Nosa Galiza", conservada en formato papel (fotocopias).

Revista societaria que no seu editorial proclama "a percura do millor galego esquirto que nos sexa posible é unha das preocupazóns dos que redaitamos iste xornal". Consta de varias seccións: "Literatura" con biografías de autores galegos recoñecidos, informacións sobre libros e tamén sobre teatro e poesía; "economía" sobre a situación actual de Galicia; a vida societaria, directivas, o balance económico da entidade e as actividades organizadas para os socios; ademais hai artigos sobre temas que poden interesar aos socios e a colectividade emigrada, reproducións de artigos publicados na prensa galega, debuxos de Castelao, etc.

Número conservado en formato papel:

1970: n. 2

Esta publicación societaria está editada como órgano oficial da entidade para informar aos seus socios das actividades realizadas polo Hospital Espanhol, da súa propiedade, das súas instalacións e dos servizos que ofrece aos socios, etc. Tamén conta con noticias sobre a sociedade e un saúdo-editorial do seu presidente.

Números conservados en formato papel:

2001: n. 1-2

Folleto editado pola "Casa de Espanha" para dar conta das actividades desenvolvidas en novembro do ano 1993 e incorporar o programa de actos sociais, culturais e deportivos de decembro, conservado en formato papel.

Esta publicación está editada como órgano oficial da Casa de España de Rio de Janeiro para informar das diversas actividades organizadas polas seccións desta entidade, composición da directiva, etc. Aparecen tamén artigos sobre persoeiros destacados da colectividade galega residente en Rio, sobre a emigración (aspectos tratados no I Congreso Mundial de Centros Españoles ou no Consejo de Residentes Españoles, política institucional tanto española como brasileira, etc.) , textos literarios e unha sección de noticias sociais de moi diverso tipo.

Números conservados en formato papel:

1ª época
1988: n. 70-72
1989: n. 74
2ª época
1994: n. 1-5
1995: n. 7-9
1996: n. 15
1997: n. 18-21, 23
1998: n. 24, 26, 29
2001: n. 44-46
2003: n. 54-56
2004: n. 58
2006: [s.n.]
2008: [n.s.] n. 57

Estatutos e regulamento interno da Casa de Galicia de Río de Janeiro (23 páxinas) reformados na Asemblea Xeral Extraordinaria do día 19 de novembro de 1958, conservados en formato papel.

Folleto sobre a exposición da obra de Permuy na Galería Sargadelos en Madrid, do 8 ó 30 de novembro de 1983, conservado en formato papel.

Anagramas e Escudo da "Enxebre Orden da Vieira" conservados en formato orixinal (papel e tea).

Esta publicación societaria está editada con motivo da celebración da festa de Santiago Apóstolo. Ten a finalidade de dar a coñecer o programa festivo organizado pola entidade editora; aproveitan para dar a coñecer as actividades societarias realizadas ao longo do ano. Inclúe ademais algúns artigos sobre Galicia.

Números conservados en formato papel:

• 1998: I Festa Galega
• 1999: II Festa Galega
• 2000: III Festa Galega
• 2001: IV Festa Galega
• 2002: V Festa Galega
• 2003: VI Festa Galega
• 2004: VII Festa Galega
• 2005: VIII Festa Galega
• 2006: IX Festa Galega
• 2008: XI Festa Galega
• 2010: XIII Festa Galega

Esta publicación societaria está editada con motivo da celebración da Festa das autonomías para informar aos socios do Centro Galego Nós de Sabadell do programa de actividades que están organizadas para esa festa e na que participan diversas asociacións de españois asentados en Cataluña. Ademais dun saúda do seu presidente, hai algunha colaboración literaria e artigos sobre os grupos folclóricos e asociacións que colaboran na festa.

Números conservados en formato papel:

• 2001
• 2003
• 2007

Correspondencia enviada ao Consello da Cultura Galega, conservada en formato papel:

• Carta enviada o 22/02/1999 para informar do cambio de Presidente da sociedade (fotocopia).
• Enquisa "Fontes documentais das sociedades galegas"
• Carta enviada en xaneiro de 2002 para comunicar a renovación da Xunta Directiva.

Programas da festa galega organizada pola Irmandade Galega de Rubí con motivo do Día das Letras Galegas, conservados en formato papel:

• XXVII aniversario (2007)
• XXVIII aniversario (2008)