Entidade colectiva

Sociedad cultural Nogueira de Ramuín (unificada con Carballeira)

• Relacionar con: Centro Orensano de Buenos Aires (1941)
• Relacionar con: Sociedad de Nogueira de Ramuín (1931)
• Relacionar con: Sociedad cultural de la Carballeira (1917)

1932 ata 1941, ano no que se fusiona con outras entidades da provincia de Ourense e crean o Centro Orensano de Buenos Aires

Esta sociedade foi creada a comezos de 1932, tras a fusión da "Sociedad cultural de la Carballeira", creada no ano 1917, e a "Sociedad de Nogueira de Ramuín", creada o 4 de xullo de 1931. Esta última fora fundada pola separación dun grupo de socios do Centro Nogueira de Ramuín, que xa existía en Bos Aires dende 1918; estes socios, comandados por Antonio Alonso, Enrique Soto Fernández, Claudio Fernández, Luis Guede, Angel R. Barbato, Antonio Devito, José Soto Fernández, entre outros, eran contrarios á política da entidade con respecto á Federación de Sociedades Gallegas.
Unha das condicións da fusión de ambas as entidades, creadas polos emigrantes do concello ourensán de Nogueira de Ramuín residentes en Arxentina, foi que se mantivese como unha das súas finalidades a construción da casa-escola na Carballeira. Ademais tiñan obxectivos mutualistas e culturais.
En 1934 organizan unha velada musical a total beneficio desta edificación escolar e en 1935 un dos membros da directiva, Claudio Fernández, foi enviado a Galicia para axilizar as obras.
Esta sociedade manifestouse totalmente favorable ao bando republicano. Creou o Comité de Nogueira de Ramuín de Ayuda al Frente Popular Español e enviou varias doazóns económicas para a República.
Tras o triunfo franquista, a idea imperante na Federación e na colectividade galega residente en Arxentina era a unión entre as sociedades afíns, para conseguir maiores logros sociais e superar o microasociacionismo existente. Tras numerosas reunións, o 25 de xaneiro de 1941 prodúcese a fusión das sociedades ourensás de Bos Aires, Centro Nogueira de Ramuín, Sociedad Cultural Nogueira de Ramuín (unificada con Carballeira), Hijos del Ayuntamiento de Pereiro de Aguiar e Sociedad Cultural y Recreativa del Ayuntamiento de Esgos. Constituirase unha nova entidade baixo o nome de Centro Orensano de Buenos Aires.

América
Arxentina
Bos Aires
Nogueira de Ramuín
Vilanova da Carballeira

Asociación civil de emigrantes

instrutivas, culturais e recreativas

ES GA 15078 ACCG

NOGADA

Borrador

Parcial

• galego

• latino

Bases de datos do AEG
Web "As escolas da emigración": http://mapas.consellodacultura.gal/escolas/?promotor=Sociedad+Cultural+de+Nogueira+de+Ramuin+(unificada+con+Carballeira)