Fotocopias da comunicación presentada ás Xornadas Patrióticas Galegas, editadas pola Comisión Intersocietaria de Sociedades Galegas de Buenos Aires en 1952.
Comisión Intersocietaria pro-conmemoración das datas patrióticas galegas
Carta mecanografada de José Ares Miramontes (1957) Carta manuscrita de Ramón Otero Pedrayo (1958) Recorte de prensa no que se anuncian os gañadores dos Xogos Florais do Idioma Galego (1968) Recorte de prensa no que se anuncia a traducción ao galego da epopeia arxentina "Martín Fierro" (1978) 6 programas de actuacións (fotocopias) 5 partituras musicais (fotocopias) 2 fotografías de actuacións da coral (fotocopias)
Recorte de prensa no que se anuncian os gañadores dos Xogos Florais do Idioma Galego.
En 1968 a colectividade galega de Bos Aires organiza, aproveitando a celebración do Día Nacional de Galiza, os Xogos Florais do Idioma Galego. Constaban de 4 premios (“Rosalía”, “Pondal”, “Rañas” e “Cornide”), e foron organizados por Manuel Puente. O seu mantedor foi Xosé Luís Méndez Ferrín. Os principais poetas premiados foron Celso Emilio Ferreiro, Xosé Sesto López e Manuel María Fernández Teixeiro.
Este boletín como toda publicación societaria pretende informar aos seus socios das actividades que están a realizar; ademais abordan noutros artigos a descrición xeográfica e histórica do seu concello natal e das súas parroquias, así como temas culturais (obra artística de Castelao) e colaboracións literarias.
Estatutos de 1987 (fotocopias) 1 partitura musical (fotocopias) 3 números da revista "As Rías Baixas" 1 número do boletín "Centro Noya Rianxo" (fotocopias) 1 número do boletín "Centro Noia-Rianxo : boletín"
Reformas dos estatutos dispostas pola asemblea extraordinaria do día 15/04/1987, con inclusión do cambio de denominación da institución aprobado o día 27/05/1988 e certificación de copias.
Publicación societaria editada coa finalidade de achegar Galicia e a súa realidade aos seus integrantes. Aparecen artigos sobre o Camiño de Santiago, o Quinto Centenario, descricións das paisaxes galegas, lembranzas de emigrantes, definición da morriña, os galegos e o fútbol arxentino, entre outros. Tamén recolle informacións de utilidade para os emigrantes, páxinas de pasatempos, seccións para mulleres e noticias sociais.
Publicación societaria onde informan das diversas actividades da entidade, con artigos sobre a colectividade, artigos sobre Galicia e persoeiros destacados, etc.