Carta enviada o 07/04/1991 por Alberte Sanmartín, Delegado de Cultura do Centro Galego de Bizkaia en Barakaldo, ao consello da Cultura Galega, para achegarlles a seguinte documentación en formato papel:

• Memoria e fins societarios
• Enquisa "Entidades" para elaborar o censo cultural
• Enquisa "Medios de comunicación" para elaborar o censo cultural

Esta revista foi editada coa finalidade de difundir as actividades desenvolvidas pola entidade editora, a vida societaria en xeral (sección «Noticieiro do Centro»). O resto da publicación contén traballos culturais de carácter diverso, notas históricas, económicas e novas da actualidade galega.

Número conservado en formato papel:

1981: n. 0

Tal como seu nome indica pretende ser unha revista centrada nas actividades culturais do Centro Galego de Bizkaia en Barakaldo. Céntranse na figura homenaxeada ese ano no Días das Letras Galegas, Lorenzo Varela, cun percorrido biográfico e literario e reprodución dalgúns dos seus poemas. Hai un artigo sobre a literatura popular galega do século XX e varias reproducións de Literatura oral ("para mostra "un sermón", "un desafío", "un romance" e un "parrafeo"). Dan a coñecer a obra de Mario Dapena "un mestre emigrante").
Na revista publican tamén as bases para participar no concurso de contos "Breogán" que organiza o Centro dende hai moitos anos, de feitos en 2005 xa levan 38 edicións.

Número conservado en formato papel:

2005

Boletín societario editado con motivo da celebración das Festas do Apóstolo. Ademais do programa das festas cos diversos actos festivos, culturais e deportivos, a directiva aproveita para informar de diversas cuestións interesantes para os socios. A metade da publicación son textos literarios, escritos todos en galego.

Números conservados en formato papel:

1984 (220 x 156 mm)
1986 (215 x 150 mm)
2005 (tamaño A4)

Programas das festas organizadas pola Irmandade de Centros Galegos en Euskadi con motivo do Día de Galicia en Euskadi, conservados en formato papel:

• Cartaz das actividades organizadas polo Día das Letras Galegas (08-17/05/1987): o 10 de maio celébrase o Día de Galiza en Euzkadi
• Tríptico do V Día de Galicia (1990)
• Folleto do X Día de Galicia, 15 páxinas (1995)
• Folleto do XI Día de Galicia, 7 páxinas (1996)
• Folleto do XII Día de Galicia, 11 páxinas (1997)

Carta enviada o día 30/03/2000 por Jaime Souto Capelet, Delegado de Cultura da Casa de Galicia de Bilbao, ao Arquivo da Emigración Galega do Consello da Cultura Galega, para facerlles chegar unha memoria con información relativa á súa sociedade, conservada en formato papel.

Folleto coas bases do I Concurso "Galicia" de novela en lingua galega, conservado en formato papel.

Memoria mecanografada da sociedade Casa de Galicia de Bilbao dende o ano 1926, conservada en formato papel.

Carta enviada o día 04/11/1996 dende a Casa de Galicia en Santurce a María Jesús Rodríguez Galdo, Directora do Arquivo da Emigración Galega do Consello da Cultura Galega, para remitirlle información solicitada:

• Enquisa "Entidades" para elaborar o Censo Cultural
• Enquisa "Medios de comunicación" para elaborar o Censo Cultural
• Memoria sucinta con datos estatísticos a día 01/02/1995
• Relación de actividades previstas para o ano 1996
• Sobre co emblema societario

Tarxeta postal enviada dende a Casa de Galicia en Santurce como felicitación navideña, conservada en formato papel.

Programas das festas de Santiago organizadas pola Casa de Galicia de Santurce, conservados en formato papel:

• Díptico das festas de 1989
• Díptico das festas de 1991
• Díptico das festas de 1992
• Tríptico das festas de 1995
• Cartaz das festas de 1995 (445 x 297 mm)
• Tríptico das festas de 1996
• Cartaz das festas de 1996 (440 x 315 mm)

Esta publicación societaria foi creada coa finalidade de informar das actividades organizadas pola mesma, a través das seccións: «Información al socio», «Actividades: programas», «Programas de festas». Complétase con noticias e artigos variados sobre Galicia, páxinas de pasatempos, humor, gastronomía e colaboracións literarias.

Números conservados en formato papel:

1989: n. 1-2
1990: n. 3-4
1991: n. 5-6
1992: n. 7-8
1993: n. 9-10
1994: n. 11
1995: n. 12
1996: n. 13
1997: n. 14
1998: n. 15
1999: n. 16
2000: n. 17
2001: n. 18
2002: n. 19
2003: n. 20
2004: n. 21
2005: n. 22
2006: n. 23
2009: n. 26
2010: n. 27

Marcapáxinas publicitario do número 40 da revista "O xistral", editada polo Centro Galego de Bizkaia en Barakaldo, conservado en formato papel.

Carta enviada por Víctor Valiño Arceo, Presidente do "Centro Gallego de Llodio", en Álava, a Marcelino X. Fernández Santiago, coordinador do Arquivo da Emigración Galega do Consello da Cultura Galega, en novembro de 1998, para facerlle chegar a enquisa "As sociedades galegas no mundo" (8 páxinas) cuberta e certa documentación societaria, conservada en formato papel.

Folleto co programa das festas organizadas pola "Agrupación Hijos de Galicia" en honor ao Apóstolo Santiago do ano 1985, conservado en formato papel.

Dípticos do "Gran Capítulo de A Enxebre e Pelengrina Cofradía da Queimada no País Vasco", conservados en formato papel:

• Díptico co programa do IX Capítulo (08/12/2002)
• Díptico co programa do X Capítulo (30/11/2003)
• Díptico coa oración "O Noso Pai" en 6 linguas para o X Capítulo

Carta enviada o 09/11/1998 polo Presidente da Casa de Galicia en Santurce a Marcelino X. Fernández Santiago, coordinador do Arquivo da Emigración Galega do Consello da Cultura Galega, para remitirlle cuberta a enquisa "As sociedades galegas no mundo" (8 páxinas), conservadas en formato papel.

Documentos da semana cultural das letras galegas organizada pola Casa de Galicia de Santurce, conservados en formato papel:

• Tríptico co programa da semana de 1991, en homenaxe a Álvaro Cunqueiro Mora
• Convite á conferencia celebrada o 17/05/1991
• Convite á obra de teatro celebrada o 18/05/1991
• Tríptico co programa da semana de 1992, en homenaxe a Fermín Bouza-Brey
• Tríptico co programa da semana de 1993, en homenaxe a Eduardo Blanco-Amor
• Tríptico co programa da semana de 1994, en homenaxe a Luis Seoane
• Cartaz co programa da semana de 1994, en homenaxe a Luis Seoane (495 x 343 mm)
• Díptico co programa da semana de 1995, en homenaxe a Rafael Dieste
• Tríptico co programa da semana de 1996, en homenaxe a Xesús Ferro Couselo

Cartaz do desfile organizado pola Casa de Galicia de Santurce, conservado en formato papel.

Bases do concurso infantil de redacción organizado polo Centro Galego de Bizkaia en Barakaldo, conservadas en formato papel:

• Tríptico coas bases do concurso de 1989, adicado a Celso Emilio Ferreiro (214 x 100 mm)
• Díptico coas bases do concurso de 1994, adicado a Luis Seoane (215 x 151 mm)