1 Relación de asociados da Liga Santaballesa de Educación e Instrucción conservada en formato papel (fotocopias) e dixitalizada:

• 1 relación de asociados realizada en abril de 1923. Lista mecanografada na que consta só o nome e apelidos dos socios e o seu número de inscrición (160 en total) (6 páxinas).

1 Relación de asociados da Liga Santaballesa de Educación e Instrucción conservada en formato papel (fotocopias) e dixitalizada:

• 1 Censo de asociados a 31 de decembro de 1927 certificado polo secretario da entidade habaneira, Manuel González. Lista mecanografada na que consta o nome e apelidos do socio, o número de inscrición e o seu domicilio na Habana, ademais do tipo de pago da cota social (anual). Inclúe tamén os 6 socios ingresados nos primeiros días de xaneiro de 1928, en total 188 asociados (3 páxinas).

1 Relación de asociados da Liga Santaballesa de Educación e Instrucción conservada en formato papel (fotocopias) e dixitalizada:

• 1 Lista de asociados mecanografada no ano 1928 elaborada polo secretario da entidade habaneira, Rosendo Arias Naseiro (con sinatura). No censo aparecen só os socios que están ao día no pago das cotas sociais. Consta o seu nome e apelidos, número de inscrición, o enderezo do seu domicilio na Habana e o tipo de pago da cota (anual ou trimestral). En total a entidade conta con 154 socios en decembro de 1928 (3 páxinas).

1 Relación de asociados da Liga Santaballesa de Educación e Instrucción conservada en formato papel (fotocopias) e dixitalizada:

• 1 Lista de asociados mecanografada feita a comezos de xullo de 1930. No censo aparecen o nome e apelidos dos socios, o número de inscrición e o enderezo do seu domicilio. En total a entidade conta con 132 socios (con dous nomes escritos a man) (6 páxinas).

Memoria das actividades societarias da "Liga Santaballesa de Educación e Instrucción" (follas mecanografadas e grampadas):

• «Memoria de los trabajos efectuados durante el año de 1927 que la Junta Directiva presenta a los señores asociados». (35 páxinas mecanografadas) (copia dixital)

1 Diploma honorífico co nomeamento de Tesoureiro de Honra a nome de Antonio Tenreiro Roca (1959) (1 páxina)

Regulamento da Sociedad de Instrucción y Protección "Progreso de Lanzós", conservado en formato dixital e orixinal:

• Regulamento social aprobado en Xunta Xeral Extraordinaria o 3 de maio de 1934 (20 páxinas)

Correspondencia da "Sociedad de Instrucción y Protección Progreso de Lanzós", conservada en formato dixital e impreso, mantida con diversas asociacións e cos seus asociados, ademais dos seus conveciños en Galicia:

• Sindicato "Juventud Agraria" de San Salvador e San Martín de Lanzós
• "Unión de San Simón y Samarugo"
• Club O Acebo de Cangas de Tineo
• Embaixada de España en Cuba
• Cruz Vermella Española en Cuba
• "Comité de Auxilio Pro Repatriación de Emigrantes Españoles"
• "Instituto de Estudios Gallegos"
• Casino de Vilalba, Sociedade Recreativa
• Comité Federativo das Sociedades de Instrucción, Beneficencia e Recreo do Partido Xudicial de Vilalba
• "Unión Villalbesa y su Comarca"
• "Asociación de Propietarios, Industriales y Vecinos de Medina y Príncipe"
• Unión Barcalesa
• "Juventud Sporting Club" de Lanzós
• "Club Gijonés de La Habana"
• "Hijos de Goiriz"
• "Hijos de Galicia" de Cárdenas
• "Asociación Nacional de Enfermeras y Alumnas de la República de Cuba"
• "Liga Santaballesa"
• "La Aurora de las Somozas"
• "Comisión Central Pro-Monumento a Marti"
• "Club Luarqués da Habana"

1 informe da contabilidade da delegación da Sociedad de Instrucción y Protección "Progreso de Lanzós" en Galicia correspondente ao ano 1932 e primeiro trimestre do 1933, conservado en formato dixital, asinado polo apoderado César Rodríguez e o tesoureiro José Carballeira (3 follas manuscritas. É copia do orixinal)

Contrato de arrendamento do local para a escola de Lanzós en Vilalba:

• 1 copia do documento notarial co contrato entre o delegado de Progreso de Lanzós en Vilalba, César Rodríguez Díaz, crego da parroquia e o alcalde de Vilalba, para o alugueiro da primeira planta do edificio que a entidade habaneira ten na súa parroquia natal e que terá uso escolar (15 de febreiro de 1933) (3 páxinas mecanografadas)

Contrato laboral dun mestre para a escola de Lanzós en Vilalba creada e sostida pola entidade habaneira "Progreso de Lanzós":

• 1 copia do contrato feito polo Consejo de Instrucción de Lanzós, delegación da entidade habaneira, co mestre Gervasio Pernas Anido, como profesor de primeiro ensino durante o curso escolar de 1930-31 (4 de setembro de 1930) (1 páxina mecanografada)

Inventario do mobiliario e material existente no edificio "Progreso de Lanzós" en Vilalba:

• Relación dos enseres e materiais existentes no edificio mandado construír pola sociedade habaneira "Progreso de Lanzós" na parroquia de Lanzós (Vilalba). Neste documento consta a valoración económica de todos os materiais e da edificación (27 de maio de 1927) (1 páxina mecanografada e asinada polo presidente e secretario da delegación da entidade habaneira en Lanzós)

Recibí asinado polo mestre da escola de Lanzós, Gervasio Pernas Anido, polo pagamento do seu soldo a cargo pola sociedade habaneira (1 páxina mecanografada e asinada) (1930)