Hijos del Distrito de Sarria, Sociedad de Beneficencia y Protección Mutua
- AE-CUHSar
- Entidade colectiva
- 1917-02-01 ata a actualidade
Esta sociedade instrutiva e mutualista foi creada na Habana polos naturais do concello de Sarria o 1 de febreiro de 1917. Un dos promotores da súa fundación e primeiro presidente foi Eliseo Pallarés Pérez.
O ano 1921 comenzan as xestións para a construción dunha escola na vila de Sarria; contan tamén cun servizo de beneficencia e asistencia para o auxilio dos socios presos, socorro aos enfermos ademáis de financiación para repatriacións.
A partir de 10 de febrero de 1944, pasou a ser "Sociedad de Beneficencia e Protección Mutua Hijos del Distrito de Sarria".
No ano 1956 cambian o regulamento que recolle os seguintes obxectivos: prestar auxilio aos asociados no caso de enfermidade, carencia de traballo, inutilidade física ou repatriación dacordo co que dispoñen estes estatutos; fomentar a unión entre os sarrianos e en particular os socios co fin de que poidesen prestar mutua protección e por último, organizar e efectuar conferencias, bailes e calquera outro acto para recabar fondos para a sociedade a beneficio dos asociados.